Wuj Richin Bix Chire ri Dios 139:2 - Kaqchiquel Bible

² Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Wuj Richin Bix Chire ri Dios 139:2 ပူးပေါင်းရင်းမြစ်များ

San Mateo 9:4

Jak'a ri Jesús kan xunabej k'a ri kich'obonik ri tz'ibanela' ri', y xubij k'a chike: ¿Achike k'a roma xpe itzel taq ch'obonik pa taq iwánima?

2 Rey 19:27

Yin wetaman k'a ronojel ri naben rat. Chuqa' kan wetaman chi yakatajineq janila awoyowal chuwij.

San Lucas 9:47

Jak'a ri Jesús kan retaman k'a achike ye'ajin chuch'obik pa taq kánima ri rutijoxela'. Roma ri' rija' xberuk'ama-pe jun ti ak'ual, y xupaba' rik'in.

Wuj Richin Bix Chire ri Dios 94:11

Ri Jehová kan retaman k'a ri ich'obonik. Retaman chi ri ich'obonik xa man jun rejqalen.

Wuj Richin ri Isaías 37:28

Jak'a yin kan jebel wetaman toq rat yayakatej-el, toq yatok-pe y toq yatel-el. Chuqa' wetaman jebel toq awoyowal chuwe yin.

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Wuj Richin Bix Chire ri Dios 56:8

Rat awetaman janipe' mul in animajineq chuwech ri oyowal; re' kan atz'iban k'a chupan ri awuj. Ri ruya'al runaq'-nuwech kan ayakon k'a chupan jun jebelej k'ojelibel.

2 Rey 6:12

K'ari' jun chike rije' xubij chi man ja ta rije' ri ye'elesan rutzijol, xa kan ja ri Eliseo ri q'alajirisey ruch'abel ri Dios ri nitaqon rutzijol chire ri rey richin Israel, y kan nubij-el ronojel ri nubij ri rey aj-Siria pan ewel.

Wuj Richin ri Rutikeribel 16:13

Ri Agar xubij k'a qa pa ránima: ¿Kan qitzij kami chi ja ri Jehová Dios ri xuk'ut-ri' chinuwech richin xintz'et y kan k'a in k'es na?, xcha'. Y roma ri', rija' xuya' jun rubi' ri Dios y xubij chire: Ri Dios ri Nitz'eton Wichin.*f13*

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Ez 38:17

Yin Jehová ninbij: Chawij k'a rat in ch'owineq-pe ri ojer kan toq yech'on pa nubi' ri e q'alajirisey nuch'abel ri ek'o chiri' pan Israel. Rije' kan xkiya' k'a rutzijol ri ojer kan chi xtinben chawe richin no'achapa-el ri nutinamit Israel.

Deut 31:21

Y toq xtipe k'a k'iy ruk'ayewal y tijoj-poqonal pa kiwi', jari' toq re jun bixanik re' xtuq'alajirisaj chikipalej ri winaqi' ri nubin chik kan yin. Y re bix re' kan man xtimestex ta koma ri kijatzul roma kan wetaman chik achike chi ch'obonik ri k'o kik'in rije', y xa k'a man jani kenkusaj-apo chupan ri ruwach'ulew, ri kan nuya'on chik nutzij chi kan ninya' chike, xcha' ri Jehová.

Wuj Richin Bix Chire ri Dios 44:22

Roj kan awoma k'a rat ajaw, jubama yojkamisex, xa kan banon chiqe chi oj achi'el ri karne'l toq ye'uk'uex richin yebekamisex.

Ez 11:5

Y ri ru-Espíritu ri Jehová xok k'a wik'in richin ninq'alajirisaj ri nubij chuwe. Kere' k'a xubij: Rix israelita, kan k'o k'a ri ibin, jak'a yin kan wetaman ri ich'obonik.