Wuj Richin Bix Chire ri Dios 139:13 - Kaqchiquel Bible

¹³ Ja rat xabanon chijun ri nuch'akul. Rat xatz'ukun-q'anej wichin pa rupan ri nte'.

Wuj Richin Bix Chire ri Dios 139:13 ပူးပေါင်းရင်းမြစ်များ

Wuj Richin ri Jeremías 1:5

Toq k'a man jani katintz'uk rik'in ri ate'; yin kan wetaman chik awech. Kan k'a man jani k'a katalex, toq yin at nucha'on chik. Xatincha' richin naq'alajirisaj ri nuch'abel chikikojol konojel tzobaj winaqi' richin re ruwach'ulew, xcha'.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

Wuj Richin ri Isaías 44:2

Yin xibanon iwichin, kan ja toq xixtz'ukutej yin xito'on iwichin. Roma ri' man tixibij-iwi' rix israelita ri nusamajela', ri kan yin xicha'on iwichin.

Wuj Richin ri Achin Job 31:15

Roma ¿man ja ta kami ri Dios ri xtz'ukun-q'anej wichin rik'in ri nte'? Y ri nusamajela', ¿man ja ta kami ri Dios ri' ri xtz'ukun chuqa' kichin rik'in ri kite' y junan qabanik xuben chiqe?

Wuj Richin ri Isaías 46:3

Kiniwak'axaj k'a rix ri ix israelita, ri juba' chiwe rix ri xixk'ase' kan. Yin kan janila ix wajowan-pe, kan k'a ja toq man jani kixalex, yin kan ix in ch'elen chik.

Wuj Richin Bix Chire ri Dios 71:6

Ja rat xato'on wichin toq k'a man jani kinalex, kan ja rat k'a xabanon richin chi yin xinalex. Roma ri' kan jantape' k'a xtinya' aq'ij.

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

1 Corintios 12:17

Wi ta ri ch'akulaj xa ruyon ta runaq'-wachaj, y maneq ta ruxikin, ¿achi'el ta k'a toq nak'ex? Y wi ta ri ch'akulaj xa ruyon ta xikin, y maneq ta rutza'n, ¿achi'el ta k'a toq niseqon?