Wuj Richin Bix Chire ri Dios 139:12 - Kaqchiquel Bible

¹² stape' keri', ri q'equ'm man yirewaj ta chawech rat, chawech rat ri aq'a' xa kan achi'el ri paq'ij. Ri q'equ'm y ri saqil xa kan e junan chawech rat.

Wuj Richin Bix Chire ri Dios 139:12 ပူးပေါင်းရင်းမြစ်များ

Dn 2:22

Rat yaq'alajirisan ri k'ayew y ri ewatel, kan atzuliben ronojel ri k'o pa q'equ'm, roma ri saqil kan ja rat ri'.

Wuj Richin ri Achin Job 34:22

Ri ruchuq'a' ri ruwech ri Dios, kan maneq k'a q'equ'm ni muj chuwech, roma ri' ri winaqi' ri e banoy taq etzelal kan man yetikir ta nikewaj-ki' chuwech.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Wuj Richin ri Achin Job 26:6

Ri Dios kan jebel e rutzuliben ri jul ri akuchi yemuq-wi ri kaminaqi', kan man ewatel ta chuwech rija' ri akuchi yebek'is-wi kan ri kaminaqi'.

Ex 14:20

Y keri' ri sutz' ri', xk'oje' k'a chukojol ri akuchi ek'o-wi-qa ri aj-Egipto y ri akuchi ek'o-wi-qa ri israelita. Ri sutz' ri', jun q'equ'm k'a chike ri aj-Egipto, jak'a chike ri israelita kan jun saqil. Y chupan ri jun aq'a' ri', kan man jun ri xq'ax ta apo y man jun chuqa' ri xq'ax ta pe, roma ri sutz'.