Wuj Richin Bix Chire ri Dios 137:3 - Kaqchiquel Bible

³ Ri winaqi' ri e uk'uayon-el qichin chupan ri ximonri'il ri' nikibij k'a chiqe chi qojbixan. Ri oj yoyon chupan ri tijoj-poqonal ri', nikik'utuj k'a kikoten chiqe y nikibij: Tibixaj jujun bix richin ri tinamit Sión.

Wuj Richin Bix Chire ri Dios 137:3 ပူးပေါင်းရင်းမြစ်များ

San Lucas 21:6

Pa ruwi' ronojel re nitz'et wawe', xtapon k'a jun q'ij toq xkewulex y man xkepa'e' ta chik kan. Kan man jun k'a abej ri xtik'oje' ta kan achi'el la rubanon wakami, xcha'.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Jeremías 26:18

Ri ojer kan toq niq'aton-tzij ri Ezequías, rey richin Judá, ri Miqueas aj-Moréset xch'on pa rubi' ri Jehová kik'in konojel winaqi' richin ri qatinamit Judá y xubij: Ri Jehová k'iytisanel richin ronojel nubij chi re tinamit Sión kan xtik'oje' kan achi'el jun ulew ri xjosq'ix yan el ruwech. Ri Jerusalem kan xtiwuluwu' kan, y kan xtuben achi'el jun tzobaj ulew. Chuqa' ri ruwa-juyu' ri akuchi k'o-wi ri rachoch ri Dios kan xtok jun k'echelaj, xcha' ri Miqueas chike.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.

Wuj Richin Bix Chire ri Dios 80:6

Xaya' q'ij chi yojkiyojobej ri winaqi' ri ek'o chiqanaqaj, ri e etzelanel qichin kan yetze'en chiqij.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 65:1

Nimalej Dios, kan awichin k'a rat ronojel bix ri yebixex chupan ri tinamit Sión. Kan ruk'amon k'a chi nitoj ronojel ri sujun chawe.

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

Wuj Richin ri Nehemías 4:2

Y xch'on k'a kik'in ri e rachibil y kik'in ri aj-labal aj-Samaria y xubij: ¿Achike k'a yetajin chubanik re tzalatzeq y nakaneq taq israelita re'? ¿Nikich'ob rije' chi roma nikisuj kamelabel, xtikik'is ri samaj pa jun q'ij? ¿Nikich'ob rije' chi chukojol ri rupoqolajul y ruchajul ri xek'at yan yebe'el chik pe abej richin nikichojmirisaj ri tz'aq?, xcha'.

1 Crón 16:7

Y chupan ri q'ij ri', ri David xujech k'a kan re bixanik re' pa ruq'a' ri Asaf y pa kiq'a' ri e rach'alal richin nikiya' matioxinik chire ri Jehová. Y kere' nubij:

Wuj Richin ri Isaías 51:11

Ri xe'akol-pe rat xketzolej-pe. Y kan xke'ok pa tinamit Sión rik'in bix. Kan niq'alajin kipalej chi janila yekikot richin jantape'. Kan ja ri kikoten ri xtik'oje' kik'in, y kan k'a janila nej xtik'oje-wi kan ri bis y ri oq'ej, yecha' ri winaqi'.

1 Crón 15:27

Ri David rukusan jun rutziaq ri janila jebel ok ri banon rik'in lino; keri' chuqa' kitziaq kikusan ri levita ri e uk'uayon ri káxa, ri bixanela' y ri Quenanías ri nitijon kichin. Y ri David rukusan chuqa' jun tzieq ri nibix efod chire, ri chuqa' banon rik'in lino.

Wuj Richin Etamabel-Tzij 25:20

Ri bix richin kikoten, ri niya'ox chire jun wineq ri xa nibison ránima kan achi'el toq jun wineq nuch'il kan rutziaq chirij, y xa janila tew najin, o naxol ri vinagre rik'in ri bicarbonato.