Wuj Richin Bix Chire ri Dios 136:8 - Kaqchiquel Bible

⁸ Ri q'ij xuben chi nisaqirisan paq'ij: Roma ri rujoyowanik rija' kan richin jantape'.

Wuj Richin Bix Chire ri Dios 136:8 ပူးပေါင်းရင်းမြစ်များ

Wuj Richin Bix Chire ri Dios 148:3

Ri q'ij y ri ik' kan tikiya' ruq'ij ri Jehová, keri' chuqa' ri ch'umila' ri yech'ich'an-pe chila' chikaj, tikiya' ruq'ij.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Wuj Richin ri Jeremías 31:35

Kan qitzij na wi chi ja yin xiya'on ri q'ij richin chi nisaqirisan ri paq'ij. Chuqa' ja yin ri xibanon ri ik' y ri ch'umil richin chi yesaqirisan chi'aq'a'. Ri nubi' ja ri Jehová ri k'o ronojel uchuq'a' pa ruq'a'. Y chuqa' ja yin ri xibanon chire ri palou richin nisilon ruwi' y nibolqo't.

Wuj Richin ri Rutikeribel 1:16

Y xuben k'a ri q'ij y ri ik' ri yeya'on saqil, ri q'ij richin nisaqirisan paq'ij y ri ik' richin nisaqirisan chaq'a' y jari' toq xeruben chuqa' ri ch'umila'.

Wuj Richin Bix Chire ri Dios 74:16

Ja rat xabanon ri q'ij y ri aq'a', rat xe'ajikiba' ri ik' y ri q'ij.