Wuj Richin Bix Chire ri Dios 136:4 - Kaqchiquel Bible

⁴ Kan xaxe rija' ri xbanon ri nima'q taq banobel; roma ri rujoyowanik rija' kan richin jantape'.

Wuj Richin Bix Chire ri Dios 136:4 ပူးပေါင်းရင်းမြစ်များ

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin Bix Chire ri Dios 86:10

Roma rat kan janila at nim, y kan ye'abanala' nima'q taq banobel. ¡Kan xaxe rat ri at Dios!

Wuj Richin ri Achin Job 5:9

Kan pa ruq'a' ta ri Dios ninjech-wi, roma rija' kan yeruben nima'q taq banobel ri man yeq'ax ta chiqawech, y kan meyel taq banobel ri yeruben, y man e ajlatel ta.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.