Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.
Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.
Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.
Roma ri' xe'ajech pa kiq'a' ri e etzelanel kichin, richin xeya'ox pa tijoj-poqonal. Jak'a toq rije' xesik'in awik'in, rat kan k'a chila' chikaj xawak'axaj-pe ri raqoj-chi'ij ri'. Y roma k'a janila xajoyowaj kiwech, xe'ateq k'a pe koloy kichin, richin chi xekikol pa kiq'a' ri etzelanel kichin.