Wuj Richin Bix Chire ri Dios 135:12 - Kaqchiquel Bible

¹² Ri kiruwach'ulew konojel re winaqi' re', xusipaj k'a. Xuya' k'a chire ri tinamit Israel richin xrichinaj kan.

Wuj Richin Bix Chire ri Dios 135:12 ပူးပေါင်းရင်းမြစ်များ

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Wuj Richin ri Josúe 12:7

Jare' ri ruwach'ulew ri xech'akatej roma ri Josué y ri tinamit Israel ri k'o pa qajbel-q'ij chire ri raqen-ya' Jordán. Nel-pe pa tinamit Baal-gad ri k'o pa taq'aj chire ri juyu' Líbano y napon k'a pa juyu' Halac ri nijote-q'anej pa ruwach'ulew Seír. Y ri Josué xujech k'a re ruwach'ulew re' chike chikijujunal ri tzobaj richin ri tinamit Israel achi'el ri rucholajen ri kitzobaj richin xkichinaj kan jumul.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

Wuj Richin ri Q'axanri'il 33:54

Ja yin xkich'aron chiwech ri ulew ri xtiwichinaj kan. Xtiwichinaj kan achi'el ri kajlabal ri aj pan iwachoch. Achi'el ri rubanik ri tzobaj kichin ri ite-itata', keri' xtiya'ox kan chiwe.