Wuj Richin Bix Chire ri Dios 133:1 - Kaqchiquel Bible

¹ ¡Titzu', kan janila utz y kan jebel chi ri qach'alal-qi' yojk'ase' junan qawech!

Wuj Richin Bix Chire ri Dios 133:1 ပူးပေါင်းရင်းမြစ်များ

1 Pedro 3:8

Pa ruk'isibel ninbij chiwe chi chi'iwonojel xa jun iwech tibana', kan tina' chuqa' rix ri q'axo'n ri nuna' ri iwach'alal. Tiwajowala-iwi' chi'iwach'alal. Tijoyowala' iwech y man tinimirisaj-iwi'.

1 Corintios 1:10

Wach'alal, pa rubi' k'a ri qajaw Jesucristo nink'utuj utzil chiwe, chi junan iwech tibana'. Man kepe itzel taq ch'obonik iwik'in richin nich'arala-iwi'. Pa ruk'exel chi keri', kan junan ta ch'obonik ri xtik'oje' iwik'in.

San Juan 13:35

Wi kan xtiwajowala' iwi' chi'iwachibil-iwi', ri winaqi' kan xtiketamaj chi ix nutijoxela' yin, xcha' ri Jesús.

Hebreos 13:1

Wach'alal, kan jantape' k'a tiwajo-iwi'.

San Juan 17:21

Ninwajo' chi konojel rije' kan junan ta kiwech, achi'el ri qabanon roj, chi xa jun qabanon. Roma rat nata' Dios kan atk'o wik'in yin, y yin, kan ink'o chuqa' awik'in rat. Chuqa' ninwajo' chi rije' junan ta kiwech qik'in roj. Keri' niq'alajin ta chikiwech ri winaqi' ri xa k'a kikuquban na kik'u'x rik'in re ruwach'ulew, chi yin, kan ja rat ri xataqo-pe wichin.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Wuj Richin ri Rutikeribel 13:8

K'ari' ri Abram xubij chire ri Lot: Rat y yin qach'alal-qi' y man ruk'amon ta richin nik'oje' oyowalen chiqakojol, ni chikikojol ri qasamajela'.

Wuj Richin ri Rutikeribel 45:24

Toq xerujech-el ri rach'alal xuchilabej-el chike chi man tikibanala-el oyowal pa bey. Y rije' xkichop k'a bey.

Wuj Richin ri Isaías 11:6

Roma rija' xtik'oje' uxlanibel-k'u'x: Jun utiw kan junan k'a xtibiyaj rik'in jun karne'l, jun balma y jun tzuntzun kan junan k'a xke'uxlan, y kan man xtikixibij ta ki'. Jun ti alaj wákix y jun koj kan junan k'a xkek'iy-el. Rije' kan xtikinimaj k'a tzij, stape' jun ti ala' ri xtibeyuq'un kichin.

Wuj Richin Bix Chire ri Dios 131:1

Jehová, yin kan man nunimirisan ta k'a wi', ni man yenwetzelaj ta ch'aqa' chik winaqi'. Man ja ta k'a ri nima'q taq rayinik ri nutzeqeliben, ni man ninch'ob ta rij ri man yeq'ax ta chinuwech.

Wuj Richin ri Isaías 11:13

Ri ch'upun-k'u'x ri k'o kik'in ri qawinaq ri ek'o pa xaman chire ri ruwach'ulew Israel kan xtik'is. Y man itzel ta chik xtikina' chiqe roj ri ojk'o wawe' pa ruwach'ulew Judá. Chuqa' ri ch'upun-k'u'x ri k'o kik'in ri qawinaq ri ek'o wawe' pa Judá kan xtik'is. Y man itzel ta chik xtikina' chike ri ek'o chiri' pa xaman.

Wuj Richin Bix Chire ri Dios 122:1

Yin kan janila k'a xikikot kik'in ri yebin chuwe, Jo', pa rachoch ri Jehová.

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Wuj Richin Bix Chire ri Dios 124:1

Wi ri Jehová man ta xk'oje' qik'in roj, kere' nikibij ta ri israelita:

Marcos 3:25

Keri' chuqa' pa jun jay, wi xa yejalajo' chikiwech y yech'aratej, re winaqi' re' xa xkek'is.