Wuj Richin Bix Chire ri Dios 132:6 - Kaqchiquel Bible

⁶ Ri chiri' pa tinamit Efrata, yin y ri wachibil xqak'axaj k'a jun rutzijol pa ruwi' ri káxa, y xojbe chutz'etik chiri' pa juyu' richin Jáar.

Wuj Richin Bix Chire ri Dios 132:6 ပူးပေါင်းရင်းမြစ်များ

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.

1 Sam 7:1

Xebe k'a ri aj-Quiriat-jearim y xbekik'ama' ri káxa richin ri jikibel-tzij. Xbekiya' kan pa rachoch ri jun achin rubini'an Abinadab ri k'o pa jun ruwa-juyu'. Rija' k'o jun ruk'ajol rubini'an Eleazar y re ala' re' xkicha' k'a richin ja rija' nichajin ri káxa ri'.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Rut 1:2

Re achin re' rubini'an Elimélec, ri rixjayil rubini'an Noemí y ri e ka'i' ruk'ajol kibini'an Mahlón y Quilión. Rije' e riy-rumam kan ri achin ri xubini'aj Efrata, ri xtz'ukun kan ri tinamit Belén. Rije' xebek'oje' k'a pa ruwach'ulew Moab y xkibanala-qa kachoch chiri'.

Wuj Richin ri Rutikeribel 35:19

Y keri' k'a toq ri Raquel xken y xkimuq kan ri chiri' toq kichapon-el bey pan Efrata, ri wakami jari' ri tinamit rubini'an Belén.

2 Sam 6:3

Ri káxa ri' k'o k'a kan pa rachoch ri achin rubini'an Abinadab, ri k'o-el chuwi-juyu'. Xkelesaj-pe chiri' y xkiya-el chupan jun k'ak'a' carruaje. Y ri achin ri' ek'o ka'i' ruk'ajol ri kibini'an Uzá y Ahió. Y ja rije' k'a ri e uk'uayon rubey ri carruaje.