Wuj Richin Bix Chire ri Dios 132:5 - Kaqchiquel Bible

⁵ k'a toq xtinwil na ri akuchi xtik'oje-wi ri rachoch ri Jehová; jun jay richin chi chiri' nik'oje-wi ri nimalej Dios richin ri Jacob.

Wuj Richin Bix Chire ri Dios 132:5 ပူးပေါင်းရင်းမြစ်များ

2 Sam 6:17

Ri David kan runaban k'a jun jay banon rik'in tzieq. Y chiri' xbekiya-wi kan ri káxa richin ri Jehová. Y k'ari' xusuj chikop richin niporox jumul y xusuj sipanik ri nuq'alajirisaj chi junan ruwech rik'in ri Jehová.

2 Sam 7:1

Kere' k'a xbanatej toq ri rey David k'o chik pa rachoch, toq ri Jehová xuya' yan uxlanenri'il chire chikiwech ri e etzelanel richin ri ek'o chunaqaj.

1 Rey 8:17

Roma ri' ri nata' David jantape' xk'oje' pa ránima richin xupaba' ta q'anej jun rachoch ri Jehová ri qa-Dios richin niya'ox ruq'ij.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

1 Crón 15:12

y xubij chike: Rix ri aj-raqen pa kiwi' ri e aj pa kachoch ri e levita; tich'ajch'ojirisaj-iwi', y keri' chuqa' ri iwach'alal, richin niq'axaj ri káxa chupan ri rachoch ri xinben.

1 Crón 15:3

Xeri' xerumol chik k'a konojel ri aj-Israel pa Jerusalem richin nikiq'axaj ri káxa chupan ri jay ri xuben.

1 Crón 22:7

y xubij chire: Nuk'ajol yin, janila xurayij ri wánima richin xinpaba' ta q'anej ri rachoch ri Jehová ri qa-Dios;

1 Crón 28:2

K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

2 Crón 2:6

Stape' keri' rubanik ri jay, kan man jun k'a xtitikir xtipaban-q'anej rachoch rija', roma ri kaj chi tz'etel y ri man tz'etel ta kan man nitikir ta nukuch ri Dios. ¿In achike ta k'a yin richin ninpaba-q'anej jun rachoch, stape' xaxe xtik'atzin richin niporox pom chupan?

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Efesios 2:22

Rik'in rija', rix beneq-q'anej ik'iyinen junan kik'in konojel ri ch'aqa' chik ralk'ual ri Dios achi'el jun jay, richin yixok ri akuchi nik'ase' wi ri Espíritu richin ri Dios.