Wuj Richin Bix Chire ri Dios 132:2 - Kaqchiquel Bible

² Rija' kan xuya' ri rutzij chawech rat Jehová. Kan k'o k'a ri xusuj chawe rat ri qa-Dios ri kan k'o uchuq'a' pan aq'a', ri chuqa' ri at ru-Dios ri Jacob.

Wuj Richin Bix Chire ri Dios 132:2 ပူးပေါင်းရင်းမြစ်များ

Wuj Richin ri Rutikeribel 49:24

Jak'a rija' kan kow xk'oje' y kan k'o ri ruk'aqbal-ch'ab pa ruq'a', kan xketamaj-wi xkikusaj jebel ri kiq'a', roma ri nu-Dios yin Jacob, ri k'o ronojel uchuq'a' pa ruq'a'; roma ja ri wajyuq' y ri nuto'onel yin Israel, ri k'o rik'in.

2 Sam 7:1

Kere' k'a xbanatej toq ri rey David k'o chik pa rachoch, toq ri Jehová xuya' yan uxlanenri'il chire chikiwech ri e etzelanel richin ri ek'o chunaqaj.

2 Sam 7:2

Ri David xch'on k'a rik'in ri q'alajirisey ruch'abel ri Dios ri rubini'an Natán, y xubij: Yin wakami ink'o chupan jun jay banon rik'in tiox-che', jak'a ri káxa richin ri rujikibel-tzij ri Dios xa chupan jun jay ri banon rik'in tzieq k'o-wi kan, xcha'.

1 Crón 28:2

K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

Wuj Richin Bix Chire ri Dios 119:106

Xinya' nutzij y xinjikiba', chi kan jantape' xtintaqej ri apixa' ri kan choj-wi.

Wuj Richin Bix Chire ri Dios 132:5

k'a toq xtinwil na ri akuchi xtik'oje-wi ri rachoch ri Jehová; jun jay richin chi chiri' nik'oje-wi ri nimalej Dios richin ri Jacob.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

Wuj Richin Bix Chire ri Dios 56:12

Roma ri' xtintaqej k'a ri nusujun chawe nu-Dios yin. Kan xtinya' k'a sipanik richin matioxinik chawe.

Wuj Richin Bix Chire ri Dios 65:1

Nimalej Dios, kan awichin k'a rat ronojel bix ri yebixex chupan ri tinamit Sión. Kan ruk'amon k'a chi nitoj ronojel ri sujun chawe.

Wuj Richin ri Isaías 49:26

Chuqa' chike ri yetz'ilo iwichin, kan xtinben richin xtikitej-qa-ki' rije', y kan xkeq'aber rik'in ri kikik'el rije' ri xtikiqum, achi'el toq yeq'aber rik'in ri vino. Xtibanatej ronojel re' richin chi'iwonojel xtiwetamaj chi ja yin Jehová, ri in kolonel, ri xiloq'on iwichin, ri k'o nimalej uchuq'a' wik'in richin yixinto' rix israelita.

Wuj Richin ri Isaías 60:16

Ri ch'aqa' chik winaqi' richin ri ruwach'ulew kan xtikiya' ri jebelej taq wey chiwe. Y kan xkixchajix achi'el niban kik'in ri rey. Y chupan ri q'ij ri' xtiwetamaj chi ja yin Jehová; ri yixkolon rix, Dios ri kan k'o nimalej ruchuq'a' pan iwi' rix.