Wuj Richin Bix Chire ri Dios 132:16 - Kaqchiquel Bible

¹⁶ Chuqa' xajikiba' chi ri e sacerdote kan xke'awiq k'a rik'in jebelej taq tzieq, y ri winaqi' kan xkebixan k'a roma kikoten.

Wuj Richin Bix Chire ri Dios 132:16 ပူးပေါင်းရင်းမြစ်များ

2 Crón 6:41

¡Jehová Dios!, kayakatej k'a wakami richin yak'oje' chupan ri awachoch ri kan awichin rat, y chuqa' chupan re jay re' xtik'oje-wi ri káxa ri k'o ri nimalej awuchuq'a' chupan. Tabana' chi ri sacerdote kan jantape' ta k'a utz xtel ronojel chikiwech, y chi roj ri qakuquban qak'u'x awik'in xqojkikot ta k'a rik'in ronojel ri utzil ri naya' chiqe.

Wuj Richin Bix Chire ri Dios 132:9

Ri e a-sacerdote kan xtikiben ta pa ruchojmilal ronojel richin jantape', y chuqa' kan ta xkekikot k'a konojel ri kan e awichin rat.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Gálatas 3:27

Toq rix xqasex ya' pan iwi', xiq'alajirisaj k'a chi xa jun xiben rik'in ri Cristo. Y wakami niq'alajin chik ri Cristo ri pa taq ik'aslen, kan achi'el xa ta xikusaj jun k'ak'a' tzieq.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Wuj Richin Bix Chire ri Dios 140:4

Nimalej Jehová, kinakolo' chikiwech ri winaqi' e itzel. Kinajech'ej chikiwech ri kamisanela', roma nikajo' nikiq'et chuwaqen.