Wuj Richin Bix Chire ri Dios 128:6 - Kaqchiquel Bible

⁶ Xtatz'et ta na kan ri e kijatzul chik ri awalk'ual. Kan jantape' ta k'a xtik'oje' uxlanibel-k'u'x chupan ri tinamit Israel.

Wuj Richin Bix Chire ri Dios 128:6 ပူးပေါင်းရင်းမြစ်များ

Wuj Richin ri Achin Job 42:16

Chirij ronojel re', ri Job xk'ase' na 140 juna' y k'a xerutz'et na kan ri ruk'ajol y ri e kixikin-mam ri ruk'ajol; jari' ri e rukaj sol.

Wuj Richin ri Rutikeribel 50:23

y kan k'a xerutz'et na kan ri e ruxikin-mam ri Efraín y chuqa' kan k'a xerutz'et na kan ri ralk'ual ri rumam rubini'an Maquir, ri ruk'ajol ri Manasés. Kan k'a xeruch'elej na k'a ri ak'uala' ri'.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

Gálatas 1:16

Y kan rurayibel-wi k'a richin xuq'alajirisaj ri Jesucristo ri ruk'ajol chinuwech; roma ri Dios kan in rucha'on richin ninbentzijoj ri Jesucristo chike ri ch'aqa' chik winaqi' ri man e nuwinaq ta. Y toq ri Dios ruq'alajirisan chik ri Jesucristo chinuwech, man xibe ta rik'in jun wineq richin xinwetamaj más.

Wuj Richin ri Isaías 66:12

Yin Jehová ninjikiba' nutzij chi xtibanatej, roma kan xtinteq-pe uxlanibel-k'u'x pan iwi', y xtuben achi'el jun nimalej raqen-ya'. Chuqa' ri beyomel kichin ch'aqa' chik winaqi' xtoqaqa pa ruk'iyal, achi'el nibulbu'x jun raqen-ya'. Y rix kan jebel k'a xkixchajix y xkixtzuq roma ri Jerusalem.

Wuj Richin Etamabel-Tzij 17:6

Ri ruwaq'ijaj kichin ri winaqi' ri kan k'o chik kijuna', jari' e kiy-kimam; y ri ruwaq'ijaj kichin ri alk'ualaxela' kan ja ri kite-kitata'.

Wuj Richin ri Rutikeribel 48:11

K'ari' xubij chire ri ruk'ajol: Man woyoben ta chik richin k'o jun q'ij yatintz'et, jak'a ri Dios xuya' q'ij chuwe richin xatintz'et rat y ri e awijatzul, xcha'.