Wuj Richin Bix Chire ri Dios 127:3 - Kaqchiquel Bible

³ Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

Wuj Richin Bix Chire ri Dios 127:3 ပူးပေါင်းရင်းမြစ်များ

Wuj Richin ri Rutikeribel 1:28

Y ri Dios kan xerurtisaj y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew y ja rix xkixk'oje' pa kiwi' ri chikopi' ri ek'o pa ya', chikopi' ri yebe pa kaq'iq' y ri chikopi' ri ek'o chuwech re ruwach'ulew, xcha'.

Wuj Richin ri Rutikeribel 24:60

Xkiya' k'a urtisanik pa ruwi' ri Rebeca y xkibij chire: Qach'alal roj, xkatok ta k'a te'ej kichin e 1,000 winaqi' y ri awal-awiy xke'ichinan kan ri tinamit ri ye'etzelan kichin, xecha'.

Wuj Richin ri Rutikeribel 33:5

K'ari' ri Esaú xerutz'et-apo ri ixoqi' y ri ak'uala' y xubij: ¿E achike la e peteneq awik'in?, xcha'. Y ri Jacob xubij: Ja' ak'uala' re' ri e rusipan ri Dios chuwe roma ri rutzil pa nuwi' yin ri asamajel, xcha'.

Wuj Richin ri Rutikeribel 4:1

Ri Adán xk'oje' k'a rik'in ri Eva ri rixjayil, y ri Eva xk'oje' k'a jun ti ral ri xubini'aj Caín,*f5* kere' ri bi'aj xuya' chire ri ak'ual roma xubij k'a: Rik'in ri ruto'onik ri Jehová xink'ul jun ti wal ala', xcha'.

Wuj Richin ri Rutikeribel 48:4

y kere' xubij chuwe: Yin xkatinnimirisaj y janila xkenwinaqirisaj ri awijatzul y kan xtinben chawe chi xke'el nima'q taq tzobaj winaqi' chike ri awijatzul y chike rije' xtinbenya-wi ri ruwach'ulew Canaán, richin q'asen, xcha' ri Dios chuwe.

2 Sam 3:5

Ri ruwaq rubini'an Itream, ral ri Eglá. Jare' ri ralk'ual ri David ri xek'oje' ri chiri' pan Hebrón.

1 Crón 28:5

Ri Dios e ruya'on e k'iy walk'ual, y chikikojol k'a rije' xucha' ri nuk'ajol Salomón richin nuq'et-tzij pa ruwi' chijun ruwach'ulew Israel.

1 Crón 8:40

Ri e ruk'ajol ri Ulam e aj-labal ri kan k'o kuchuq'a'. Rije' man jun xibinri'il chikiwech y janila yetikir nikik'eq ch'ab. Kan xek'oje' janila kalk'ual y kiy-kimam. Konojel rije' e 150 y e rijatzul kan ri Benjamín.

Wuj Richin ri Achin Job 1:2

Rija' ek'o wuqu' ruk'ajol y e oxi' rumi'al.

Wuj Richin ri Isaías 13:18

Jak'a ri nikajo' rije', ja ri yekikamisaj ri alaboni' rik'in ri kich'ab. Kan man xtikijoyowaj ta kiwech ri k'a juba' ke'alex, y man xtikipoqonaj ta kiwech ri ak'uala' toq xkekikamisaj.

Wuj Richin ri Isaías 8:18

Roma yin y ri walk'ual ri e ruya'on ri Jehová chuwe, kan oj ruya'on richin jun retal, y richin nima'q taq banobel richin re wawe' pa qaruwach'ulew. Y ri nibanon chiqe re', ja ri Jehová k'iytisanel richin ronojel ri k'o pa tinamit Sión.

Deut 28:11

Ri Jehová Dios kan xkixrurtisaj k'a, y xtuya' janila iwalk'ual, y ri iwawej kan janila xkek'iyer y ri itiko'n chuqa' janila xtiwachin achi'el xujikiba' chike ri qati't-qamama'.

Deut 28:4

Ri Jehová xtuben chi xtik'oje' k'iy iwalk'ual, y kan utz xtel ri itiko'n, y kan xkek'iyer ta ri taq kal ri kokoj y nima'q taq iwawej.

Wuj Kichin ri To'onela' 12:9

Re achin re' xek'oje' e juwineq lajuj ruk'ajol y e juwineq lajuj rumi'al, y xeruk'uluba' kik'in winaqi' ri man e kiwinaq ta. Rija' xq'aton-tzij pa kiwi' ri israelita wuqu' juna',

1 Sam 1:27

Ja ak'ual re' ri xink'utuj chire ri Jehová, y rija' kan xuya-wi chuwe.