Wuj Richin Bix Chire ri Dios 127:2 - Kaqchiquel Bible

² Xa man jun nik'atzin-wi chi janila nimaq'a' yan yixyakatej richin yixsamej, man jun nik'atzin-wi chi yixsamej nej aq'a', roma ri Jehová kan nuya' k'a ri k'atzinel chike ri ralk'ual, ri kan yerajo'.

Wuj Richin Bix Chire ri Dios 127:2 ပူးပေါင်းရင်းမြစ်များ

Wuj Richin ri Achin Job 11:18

Kan man jun k'a xtibanon chawe chi axibin ta awi'. Xa kan kikoten awoyoben-apo ri peteneq. Kan ja ri Dios xtichajin awichin y kuqul ak'u'x xkawer.

Wuj Richin Bix Chire ri Dios 3:5

Yin xikotz'e-qa y xiwer, xik'astej chik el, roma kan ja rat ri xato'on wichin.

Wuj Richin Bix Chire ri Dios 4:8

Rik'in uxlanibel-k'u'x xkikotz'e-qa y keri' xkiwer jebel; roma xaxe rat Jehová ri yabanon chuwe chi kuqul nuk'u'x yik'ase'.

Wuj Richin Bix Chire ri Dios 60:5

Tabana' utzil, kan ke'akolo' k'a ri kan e wajowan-pe, ke'akolo' k'a rik'in ri awuchuq'a' y kan tawak'axaj ri nuch'owen.

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Wuj Richin ri Molojri'il 1:14

Xintz'et k'a ronojel ri samaj ri niban chuwech re ruwach'ulew chi maneq rejqalen. Xa man yatikir ta nawil ri nawajo', xa kan achi'el ta nawajo' nachop ri kaq'iq'.

Wuj Richin ri Molojri'il 4:8

Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.

Wuj Richin ri Molojri'il 5:12

Jun choj samajel kan ki-ki' ri ruwaran, stape' jebel xwa-qa o xa juba' ok ri xutej-qa; jak'a ri beyom ja ronojel ri k'o rik'in ri man niya'on ta q'ij chire chi niwer jebel.

Wuj Richin ri Molojri'il 6:7

Ronojel ri samaj ri nuben ri achin xa kan xaxe richin niwa', y rik'in ri' man jun bey nikuqer ruk'u'x.

Wuj Richin ri Jeremías 31:26

K'ari' yin Jeremías xik'astej y xinjeq ri runaq' taq nuwech y xina' chi ri xiwer kan utz xuben chuwe.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.