Wuj Richin Bix Chire ri Dios 125:2 - Kaqchiquel Bible

² Achi'el ri tinamit Jerusalem ri sutin-rij rik'in nima'q taq juyu', kan keri' ri Jehová rusutin-kij ri ruwinaq. Kan keri' rubanon re wakami y keri' tibe-q'ij tibe-seq.

Wuj Richin Bix Chire ri Dios 125:2 ပူးပေါင်းရင်းမြစ်များ

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.

Wuj Richin Bix Chire ri Dios 121:8

Ri Jehová k'o awik'in toq yatel-el y toq yatzolin. Keri' nuben re wakami y keri' tibe-q'ij tibe-seq.

Wuj Richin ri Isaías 4:5

K'ari' ri paq'ij ri Jehová xtuya' pa kiwi' konojel winaqi' ri kimolon-ki' ri chiri' pa juyu' Sión, jun sutz' ri achi'el sib. Y ri chaq'a' xtuya' jun saqil rik'in ruxaq q'aq'. Re k'ojlemal re' xtik'atzin richin kitobal ri winaqi' ri ek'o chiri'.

Deut 33:27

Ri Dios richin q'asen jari' ri itobal. Ja rija' ix chapayon rik'in uchuq'a' tibe-q'ij tibe-seq. Xtuben k'a chi ye'animej-el chiwech ri e etzelanel iwichin, y nubij chiwe richin ye'ikamisaj.

Wuj Richin ri K'uxla'anik 4:12

Ri e etzelanel qichin man xketikir ta xke'ok-apo chupan ri qatinamit: Keri' xkich'ob ri e rey y konojel ri winaqi' richin ri ruwach'ulew.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

2 Rey 6:17

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.