Wuj Richin Bix Chire ri Dios 124:4 - Kaqchiquel Bible

⁴ Keri' ri e etzelanel qichin kan ta xojkiqirirej-el achi'el nuben jun raqen-ya', achi'el nuben jun raqen-ya' toq yerumuq ri winaqi'.

Wuj Richin Bix Chire ri Dios 124:4 ပူးပေါင်းရင်းမြစ်များ

Apocalipsis 17:15

Ri ángel xubij chuqa' chuwe: Ri ya' ri akuchi tz'uyul-wi ri ixoq ri man utz ta ruk'aslen, xa e winaqi' richin jalajoj ruwach'ulew, ijatzul, tinamit y ch'abel.

Wuj Richin Bix Chire ri Dios 69:15

Man taya' q'ij chi yiruqirirej-el ri ya', ni man ta yirubeq' ri nimalej siwan, man ta yimuqutej kan chupan ri nimalej jul.

Wuj Richin ri Isaías 59:19

Pa kiwi' konojel ri ek'o nej xtapon-wi ri rutojbalil: Nitiker-pe pa relebel-q'ij y napon k'a pa qajbel-q'ij, richin tiketamaj konojel winaqi' chi ri Jehová kan k'o-wi ruq'ij-ruk'ojlen. Roma rija' xtipe kan rik'in uchuq'a', kan achi'el nibiyin jun nimalej raqen-ya' ri nimon-pe rik'in jun nimalej kaq'iq' richin ri Jehová.

Wuj Richin Bix Chire ri Dios 69:2

Kan yik'is yan k'a qa chupan ri ch'abeq ri kan janila nim rupan, y kan man jun chik akuchi ta utz ninya-wi ri waqen. Kan xinapon k'a chupan ri más nim rupan ri ya', yin ninna' chi xa kan yiruqirirej-el.

Wuj Richin Bix Chire ri Dios 32:6

Roma ri', ri kan e awichin, xkech'on awik'in toq ek'o pa tijoj-poqonal. Wi keri' xtikiben, ri tijoj-poqonal man xtapon ta kik'in, achi'el jun raqen-ya' ri ninimer-pe y nel-pe pa ruk'ojelibal.

Apocalipsis 17:1

Y jun chike ri wuqu' ángel ri e uk'uayon jujun qumbel, xch'on wik'in y xubij chuwe: Katanpe y xtink'ut chawech ri achike ruk'ayewal ri xtiqaqa pa ruwi' ri nimalej ixoq itzel ruk'aslen ri k'o chuchi' k'iy raqen taq ya'.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Isaías 28:2

Ri Jehová xa rucha'on chik jun ruwach'ulew ri kan k'o janila ruchuq'a' richin nuwulaj ri Samaria. Rije' xkepe anineq achi'el nipe jun nimalej kaq'iq'. Xkekisok ri aj-Samaria achi'el nuben ri saqboch. Y ri winaqi' xke'uk'uex-el achi'el jun q'eqel-job nuk'uaj ronojel.

Wuj Richin Bix Chire ri Dios 42:7

Nak'axatej k'a ri ya' ri nichoxin-pe y nik'oxoman chupan ri nimalej taq siwan, ri janila chi ya' ri nateq-pe rat Jehová, kan xik'o pa nuwi' yin.

Wuj Richin Bix Chire ri Dios 18:4

Ri kamik kan xsutin k'a chuwij. Jalajoj k'a ruwech etzelal xrojqaj-ri' chuwij, roma ri' kan janila xinxibij-wi'.

Wuj Richin ri Achin Job 22:11

Xa maneq chik saqil awik'in, xa ronojel xq'equmatej chawech; xa kan achi'el at muqutajineq roma jun ya'.

Wuj Richin Bix Chire ri Dios 18:5

Ri kamik xurarij k'a chuwaqen achi'el jun kolo'. Kan xuben k'a chuwe richin xiqaqa chupan ri pikbel richin kamik.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Wuj Richin Bix Chire ri Dios 144:7

Kan k'a chila' chikaj tayaka' ri aq'a' pa nuwi'; kinakolo', y kinawelesaj chupan re jun achi'el palou re'. Kinawelesaj chikiwech ri man e nuwinaq ta.