Wuj Richin Bix Chire ri Dios 123:3 - Kaqchiquel Bible

³ Tabana' utzil Jehová, tajoyowaj qawech roj; kan niqak'utuj utzil chawe chi tajoyowaj qawech, roma roj kan xik'o yan qak'u'x, chi jantape' yojetzelex.

Wuj Richin Bix Chire ri Dios 123:3 ပူးပေါင်းရင်းမြစ်များ

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

San Lucas 23:35

Ri Jesús tzuliben k'a apo koma janila winaqi' y koma chuqa' ri achi'a' ri kan yeq'aton-wi-tzij. Y konojel k'a re winaqi' re' nikitze'ej-apo, y nikibila': Rija' e k'iy xerukol. Wakami tukolo' k'a ri' ruyon, wi kan qitzij chi ja rija' ri Cristo ri cha'on roma ri Dios, yecha'.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

Wuj Richin Bix Chire ri Dios 4:1

Nu-Dios yin, ri pa ruchojmilal yaq'aton-tzij, tak'uluba' k'a pe ri nuch'abel toq yich'on-q'anej awik'in; toq xik'oje' pa bis, rat xaya' uxlanen chuwe. Tajoyowaj k'a nuwech y tawak'axaj k'a ri nuch'owen.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

2 Rey 19:3

Y rije' xkibij k'a chire ri Isaías: Ri Ezequías xubij chi re q'ij re' q'ij richin bis, ruk'ayewal y k'ix pa qawi'. Xa man jun chik yojtikir niqaben. Roj xa oj achi'el chik jun ixoq ri nralaj yan jun ak'ual y xa nik'is ruchuq'a'.

Wuj Richin ri Achin Job 19:15

Ri kan jantape' ek'o-pe pa wachoch xinkimestaj. Ri e waj-ik' xtani' kibanon chuwe chi man ketaman ta nuwech. Wakami kan in okineq achi'el jun aj nej chikiwech konojel.

Wuj Richin ri K'uxla'anik 3:30

Wi ta niya'ox jun q'a' chiqapalej, kan tiqaya' q'ij richin niya'ox jun chik, y tiqakoch'o' ronojel ri yebix chiqij.

Ez 36:6

Rat Ezequiel, taya' chik re jun rutzijol re' pa ruwi' ri taq juyu', ri kokoj juyu', ri siwan y ri taq'aj kojol juyu'. Re ruwach'ulew re' kan etzelan-wi koma ch'aqa' chik winaqi' y roma ri' yin janila woyowal chike rije'.

Ez 36:15

Yin man xtinya' ta q'ij richin nak'axatej chik ri itzel ch'abel kichin ch'aqa' chik winaqi' richin ri ch'aqa' chik ruwach'ulew y chuqa' man xtinya' ta q'ij chi maneq chik winaqi' chupan ri kiruwach'ulew, xcha'.