Wuj Richin Bix Chire ri Dios 121:3 - Kaqchiquel Bible

³ Rija' kan man xtuya' ta k'a q'ij richin yajilijo', ni man niwer ta k'a ri nichajin awichin.

Wuj Richin Bix Chire ri Dios 121:3 ပူးပေါင်းရင်းမြစ်များ

Wuj Richin Bix Chire ri Dios 127:1

Wi ta k'o jun wineq nupaba-q'anej jun jay y ri Jehová man ta nuto', xa kan man jun k'a nuq'ajuj chi nisamej ri aj-tz'aq. Wi ta ri chajinela' nikichajij jun tinamit y ri Jehová man ta yeruto', xa kan man jun k'a rejqalen chi yek'ase' ri chajinela' ri'.

Wuj Richin Bix Chire ri Dios 41:2

Ja ri Jehová ri xtichajin richin, xtuya' ruk'aslen. Kan xtuya' urtisanik y kikoten chire. Y kan man xtijach ta k'a pa ruq'a' ri etzelanel richin.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin Bix Chire ri Dios 66:9

Ja rija' ri yoyon qak'aslen, y kan nuben k'a chiqe richin man yojilijo' ta.

Wuj Richin Bix Chire ri Dios 91:12

Xqojkili'ej k'a pa kiq'a'. Keri' roj man xtiqapajk'ij ta ri qaqen.

Wuj Richin Etamabel-Tzij 2:8

Roma kan ja rija' ri nichajin ri kibey ri choj kik'aslen, y kan ja chuqa' rija' ri niyuqen kichin ri winaqi' ri kan nikiben achi'el ri nikibij.

Wuj Richin Etamabel-Tzij 3:23

Y jari' ri xtibanon chiwe chi man jun xtik'uluwachij chupan ri ibey, y chuqa' xtuben chiwe chi man xtipajk'ila' ta iwaqen.

Wuj Richin Etamabel-Tzij 3:26

Kan man k'a xtixibij ta iwi', roma kan xtina' chi jikil ixk'o rik'in ri Jehová, y chuqa' kan xtuchajij ri iwaqen richin chi man tiqaqa pa pikbel.

Wuj Richin ri Isaías 27:3

Y yin Jehová ninchajij; Kan jantape' ninya'aj, y kan ninchajij k'a chi paq'ij chi chaq'a' richin chi man jun xtinaqo richin.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.