Wuj Richin Bix Chire ri Dios 120:4 - Kaqchiquel Bible

⁴ ¡Ri nich'ek ja ri ch'ab ri is-is rutza'n ri nukusaj jun achin ri kan richin labal, ri kan ruk'uan racheq q'aq' ri keq-keq rubanon!

Wuj Richin Bix Chire ri Dios 120:4 ပူးပေါင်းရင်းမြစ်များ

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin Etamabel-Tzij 18:21

Ronojel ri ch'abel ri yerubij ri wineq kan k'o nuk'en-pe, nuk'en-pe kamik o nuk'en-pe k'aslen; ri wineq achike na rukusaxik xtuben chire, wi richin utz o richin etzelal, roma chi ka'i' k'o rutojbalil.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 16:27

Ri nowineq chubanik etzelal, nich'oboch'ot k'a richin achike etzelal niberubana'; y ri tzij ri nuben kan niporon achi'el ruxaq-q'aq'.

Wuj Richin Bix Chire ri Dios 45:5

Ri ach'ab ri ch'ut-ch'ut rutza'n, ri kan rik'in ri' ye'ach'ek ri winaqi' ri e etzelanel awichin; kan xtuch'ik ri' pa kánima ri e etzelanel awichin rat rey.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Wuj Richin Etamabel-Tzij 12:22

Ri Jehová kan yeretzelaj ri winaqi' ri nikikusaj ri kichi' richin yetz'ukun-tzij; y kan nikikot ri ránima kik'in ri kan jantape' qitzij yech'on.

Wuj Richin Etamabel-Tzij 11:18

Ri wineq nibanon etzelal, ri ch'akonik ri nril xa man qitzij ta; jak'a ri kan nutik ri chojmilal, ri ch'akonik ri nril kan qitzij wi.

Wuj Richin Etamabel-Tzij 11:12

Ri wineq ri xa maneq runa'oj, nuqasaj ruq'ij ri rachpochel rik'in ri ruch'abel, jak'a ri achin ri kan k'o-wi retamabal, nuchajij-ri' rik'in ri ruch'abel.

Wuj Richin Etamabel-Tzij 11:9

Ri wineq ri maneq Dios chuwech, nuya' pa ruk'ayewal ri rachpochel xaxe rik'in ri ch'abel ri nubij chire; jak'a ri choj kik'aslen, yetikir nikikol-ki' rik'in ri etamabel k'o kik'in.

Wuj Richin Bix Chire ri Dios 59:7

Kan nikik'aqala' k'a poqon taq ch'abel, y ri kaq' kan achi'el espada. y kan nikibij-qa chi man jun ye'ak'axan chire ri yekibij.

Wuj Richin Bix Chire ri Dios 57:4

Yin achi'el xa ta chikikojol koj ink'o-wi, Ink'o chikikojol winaqi' ri nikajo' yinkik'is. Ri key kan achi'el ri kum y kokoj taq ch'ab, y ri kaq' kan achi'el k'a jun espada ri ya-ya' rey.

Wuj Richin Bix Chire ri Dios 52:5

Roma ri' ri Dios kan xkaruk'is jumul. Xkaruchop k'a y xkarelesaj-el chupan ri awachoch. Y kan xtrelesaj k'a el ri ak'aslen.

Wuj Richin Bix Chire ri Dios 7:13

Kan e runaban chik ri rukamisabal, y kan e ruya'on chik q'aq' pa rutza'n ri ruch'ab.

Wuj Richin Etamabel-Tzij 18:8

Ri ruch'abel jun wineq ri niyako tzij chirij jun chik wineq, kan ki-ki' achi'el jun munil; ri ch'abel ri' kan napon k'a chupan ri ránima ri jun chik wineq.

Wuj Richin ri Jeremías 9:7

Roma ri' yin Jehová ri in k'iytisanel richin ronojel ninbij k'a chi kan man jun chik yitikir ninben kik'in ri nuwinaq, xaxe k'a achi'el niban chire ri q'eqapueq ri niya'erisex pa q'aq' richin yech'ajch'ojir-el.