Wuj Richin Bix Chire ri Dios 12:7 - Kaqchiquel Bible

⁷ Jehová, rat k'a xkachajin kichin ri choj kik'aslen. Kan jantape' ta xke'ato' chikiwech ri e banoy etzelal,

Wuj Richin Bix Chire ri Dios 12:7 ပူးပေါင်းရင်းမြစ်များ

Wuj Richin Bix Chire ri Dios 10:18

Taq'ata-tzij pa kiwi' ri meba'i' y ri yetz'ilox, richin chi ri banoy etzelal man ta chik xtuben etzelal chike.

Wuj Richin Bix Chire ri Dios 119:140

Ri ach'abel kan janila chi tejtobenik ruq'axan, roma ri' yin ri in asamajel kan janila ninwajo'.

Wuj Richin Bix Chire ri Dios 121:8

Ri Jehová k'o awik'in toq yatel-el y toq yatzolin. Keri' nuben re wakami y keri' tibe-q'ij tibe-seq.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 16:1

Nu-Dios yin, tabana' utzil kinachajij, roma kan nukuquban nuk'u'x awik'in.

Wuj Richin Bix Chire ri Dios 18:31

Roma ri' xa kan xaxe k'a ri Jehová ri Dios k'o. Kan man jun chik achike ta xtito'on qichin.

Wuj Richin Bix Chire ri Dios 19:9

Ri rutijonik ri Jehová kan janila utz y kan keri' richin jantape'. Ri q'atbel-tzij richin ri Jehová kan pa ruchojmilal y kan e qitzij.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Wuj Richin ri Isaías 27:3

Y yin Jehová ninchajij; Kan jantape' ninya'aj, y kan ninchajij k'a chi paq'ij chi chaq'a' richin chi man jun xtinaqo richin.

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.