Wuj Richin Bix Chire ri Dios 12:5 - Kaqchiquel Bible

⁵ Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 12:5 ပူးပေါင်းရင်းမြစ်များ

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Wuj Richin ri Isaías 33:10

Ri Jehová nubij chi wakami kan xtibeyakatej-pe richin niberuk'utu' ronojel ruchuq'a' y ri ruk'ojlen.

Wuj Richin ri Achin Job 5:15

Kere' rubanik nuben ri Dios richin yerukol ri nikitej poqon koma ri achi'a' ri'. Kan yerukol ri meba' taq winaqi' pa kiq'a' ri beyoma'.

Wuj Richin Bix Chire ri Dios 10:12

¡Wakami, kayakatej k'a nimalej Jehová Dios! Tayaka' ri aq'a' y man ke'amestaj ri ek'o pa meba'il.

Wuj Richin ri Achin Job 5:21

Rija' xtuya' jun atobal richin chi ri itzel nich'on chawij, man jun nuben chawe; y man xtaxibij ta awi' toq xkatapon chuwech jun wululen.

Wuj Richin ri Isaías 19:20

Y re' kan xtik'atzin chike ri winaqi' richin jun retal richin chi noqaqa chikik'u'x ri Jehová chiri' pan Egipto. Toq xkech'on rik'in ri Jehová richin nikik'utuj to'onik koma ri yetz'ilo kichin, rija' kan xtuteq k'a pe jun kolonel kichin richin chi yeruto'.

Ez 18:18

Jak'a ri rutata' kan xtiken roma ri rumak roma xeruya' pa tijoj-poqonal ri winaqi', xeleq' y xuben itzel chikikojol ri ruwinaq. Xa kan xaxe k'a rija' ri xtejqalen ri rumak ri xerubanala'.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.

Wuj Richin Bix Chire ri Dios 10:18

Taq'ata-tzij pa kiwi' ri meba'i' y ri yetz'ilox, richin chi ri banoy etzelal man ta chik xtuben etzelal chike.

Wuj Richin Bix Chire ri Dios 10:5

Man rik'in ri', ronojel ri nuben, utz nel chuwech. Chuwech rija' ri aq'atbel-tzij rat Jehová kan nej k'o-wi. Rija' kan nitze'en k'a chikij ri ye'etzelan richin.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Wuj Richin Bix Chire ri Dios 31:19

Kan janila nim ri awutzil rat Jehová, roma kan ye'ato' ri nikiya' aq'ij-ak'ojlen. Re' kan xaben k'a kik'in ri nikito-ki' awik'in, richin nikitz'et ri ch'aqa' chik winaqi'.

Wuj Richin Bix Chire ri Dios 73:8

Kan xaxe k'a yetze'en y ruyon etzelal ri nikibij ri kich'owen kan ruyon rik'in nimirisanen.

Wuj Richin Etamabel-Tzij 18:21

Ronojel ri ch'abel ri yerubij ri wineq kan k'o nuk'en-pe, nuk'en-pe kamik o nuk'en-pe k'aslen; ri wineq achike na rukusaxik xtuben chire, wi richin utz o richin etzelal, roma chi ka'i' k'o rutojbalil.

Os 7:16

Xa jak'a ri wachibel ri xekitzeqelibej kan, rije' xa kan e achi'el k'a jun rute-ch'ab ri xa kotokik rubanon. Ri e aj-raqen chikikojol rije' xa xekamisex chi espada roma ri kinimirisanen. Chupan ri ruwach'ulew Egipto xtiban k'a yojobenik chikij, nicha' ri Dios.