Wuj Richin Bix Chire ri Dios 12:3 - Kaqchiquel Bible

³ Rat Jehová xke'ak'is konojel ri e tz'ukuy taq tzij, xke'awelesaj-el ri winaqi' ri janila kinimirisan-ki' rik'in ri kich'abel,

Wuj Richin Bix Chire ri Dios 12:3 ပူးပေါင်းရင်းမြစ်များ

Wuj Richin ri Achin Job 32:22

Roma xa ta ri nubanik yin, ja ri ninya-q'anej kiq'ij ri winaqi' richin chi yench'ek. Xa ta in keri', ri Dios ri banayon wichin, kan ta xirelesaj yan el chuwech re ruwach'ulew.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

Wuj Richin Bix Chire ri Dios 140:12

Jak'a ri e poqonatajineq, yin wetaman chi rat Jehová kan ye'ato'. Y ri yetz'ilox, naq'et tzij pa kiwi' rik'in ruchojmilal.

Wuj Richin Bix Chire ri Dios 17:10

Re winaqi' re' kan man jun chik joyowanik kik'in, kan nikibananej k'a toq yech'on.

Wuj Richin Bix Chire ri Dios 55:22

Taya' pa ruq'a' ri Jehová ronojel ri ruk'ayewal ri k'aslen, y rija' xtuben chawe chi kow xkak'oje'; roma rija' man xtuya' ta q'ij chi ri choj ruk'aslen xtitzaq jumul.

Ex 15:9

Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Wuj Richin Etamabel-Tzij 18:21

Ronojel ri ch'abel ri yerubij ri wineq kan k'o nuk'en-pe, nuk'en-pe kamik o nuk'en-pe k'aslen; ri wineq achike na rukusaxik xtuben chire, wi richin utz o richin etzelal, roma chi ka'i' k'o rutojbalil.

Wuj Richin Etamabel-Tzij 26:24

Ri wineq ri xa nretzelaj jun chik, kan jebel nrewaj rik'in ri jebel taq ch'abel ri yerubila' chire, jak'a ri pa ránima, xa k'o ta nrajo' chi niqaqa pa ruq'a'.

Wuj Richin ri Isaías 10:10

Kan xeqach'ek k'a e k'iy tzobaj winaqi' ri janila e k'iy ki-dios, Y ri kiwachibel kan más e jebel chikiwech ri ek'o pa tinamit Jerusalem y ri Samaria.

Wuj Richin ri Isaías 59:4

Man jun chiwe rix ri man pa ruchojmilal ta nibesujun, ni man jun ri pa ruchojmilal nibe rik'in q'atbel-tzij. Kan más k'a nikuquba' ik'u'x rik'in tz'ukuj taq tzij, y ri ich'abel man e qitzij ta. Nitik etzelal, y niwachij itzel taq banobel.

Wuj Richin ri Jeremías 12:6

Roma ri e awach'alal y ri e aj pan awachoch ja jun rije' xatkiq'ol. Ja jun rije' nikireq kichi' richin yech'on itzel chawij. Man takuquba' ak'u'x kik'in, stape' nikibij jebel taq ch'abel chawe, xcha' chuwe.

Wuj Richin ri Jeremías 9:8

Ri kaq' rije' xa achi'el ri ch'ab, ri kan yekamisan. Kan jebel yech'on kik'in ri kachpochel, jak'a ri chikij xa nikiya' pikbel pa kibey.

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

Ez 28:9

Y chupan ri q'ij ri', ¿xkatikir kami rat xtapaba-awi' chikiwech ri yekamisan awichin? ¿Y xkatikir kami xtabij chi rat kan at jun dios? Ni, rat xa at jun achin y man at jun dios ta, y roma ri' xa kan atk'o chik pa ruq'a' ri nikamisan awichin.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Dn 7:8

Y rokik k'a yin ninmey ri lajuj uk'a' ri', kan xbek'ulun chik k'a pe chikikojol jun chik ti ko'ol uk'a', y k'o chi xe'elesex-el oxi' richin chi xk'oje' kan ri jun ti ko'ol. Ri ti ko'ol uk'a' ri' kan k'o k'a runaq'-ruwech achi'el ri wineq. K'o chuqa' ruchi', y yerubila' k'a janila itzel taq ch'abel.

Wuj Richin ri Malaquías 3:13

Rix kan ibilon poqon taq ch'abel chuwij yin, y k'ari' nibij chi man jun itzel ibin chuwij.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

Judas 1:16

Keri' chuqa' ri itzel taq tijonela' ri ek'o chi'ikojol, yexebexot k'a chirij ronojel. Kan xaxe k'a nikisujula-ki', y xaxe ri itzel taq rayinik ri k'o kik'in. Rije' yekibila' k'a chuqa' ch'abel richin nikinimirisaj-ki'. Yekinimirisaj k'a ch'aqa' chik winaqi', xaxe richin yech'akon kan chikij.

Apocalipsis 13:5

Ri chikop ri' xuk'ul chuqa' uchuq'a' richin chi tunimirisaj-ri' rik'in ri ruch'abel, richin chi itzel tich'on chirij ri Dios, y kawineq ka'i' ik' ri xya'ox uchuq'a' pa ruq'a'.

1 Sam 2:3

Man ke'ibij k'a ch'abel rik'in nimirisanen, ni man tel pa taq ichi' ch'abel rik'in nimirisanen, roma ri Dios, ja rija' ri Jehová ri retaman ronojel, y nutz'et ri achike niqaben.