Wuj Richin Bix Chire ri Dios 12:2 - Kaqchiquel Bible

² Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin Bix Chire ri Dios 12:2 ပူးပေါင်းရင်းမြစ်များ

1 Crón 12:33

Chupan ri tzobaj richin kan ri Zabulón xe'apon e 50,000 aj-labal; kik'uan-el jalajoj ruwech kamisabel, y kan e beneq rik'in ronojel kánima richin nibekito' ri David.

Wuj Richin Bix Chire ri Dios 10:7

Ri pa ruchi' kan xaxe etzelanik, yoq'onik y q'oloj k'o; ri ruch'abel kan ruyon tz'ukun-tzij y ya'ol q'axo'n.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

Wuj Richin Bix Chire ri Dios 144:11

Kinakolo' y kinawelesaj chikiwech ri man e nuwinaq ta, rije' man jun bey nikibij ri qitzij. Stape' nikijikiba' ri kitzij, man jun bey nikibij ri qitzij.

Wuj Richin Bix Chire ri Dios 144:8

Rije' man jun bey nikibij ri qitzij. Stape' nikijikiba' ri kitzij, man jun bey nikibij ri qitzij.

Wuj Richin Bix Chire ri Dios 28:3

Man kinak'uaj junan kik'in ri aj-maki'; ri kan jebel k'a yech'on chire jun wineq y ri pa kánima kan k'o ri etzelal.

Wuj Richin Bix Chire ri Dios 38:12

Ri ye'ajowan nikelesaj nuk'aslen, kan nikiyala' k'a pikbel pa nubey. Ri ye'ajowan chi yin yik'oje' pa k'ayew kan itzel k'a yech'on chuwij. Kan chijun q'ij k'a nikich'obola' ri achike ta nikiben richin yinkitzeq.

Wuj Richin Bix Chire ri Dios 41:6

Yepe chinutz'etik richin nokikuquba' kan nuk'u'x, jak'a xa man qitzij ta ri kich'abel. Yepe xaxe richin nokak'axaj-el ri man utz ta rutzijol, y k'ari' nibekitaluj rutzijol.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

Wuj Richin Bix Chire ri Dios 59:12

Kere' tikik'uluwachij roma jantape' yemakun rik'in ri ch'abel ri ye'el pa kichi', Kan ta xtiqasex kiq'ij roma ri kinimirisanen, y roma xaxe ri tz'ukuj-tzij ri xqa' chikiwech.

Wuj Richin Bix Chire ri Dios 62:4

Kan chaq niyala' k'a chiwech richin yinitzeq y niqasaj nuq'ij; Kan yixkikot k'a rik'in ri tz'ukuj-tzij; Rik'in ri ichi' ye'ibila' utzilej taq ch'abel, jak'a pan iwánima xa ruyon etzelal k'o.

Wuj Richin Etamabel-Tzij 20:19

Jun wineq kamuluy-tzij kan man nitikir ta nutz'apej ri ruchi'; man tawachibilaj k'a ri wineq ri'.

Wuj Richin Etamabel-Tzij 20:6

Kan ek'o-wi k'a achi'a' ri nikiq'alajirisaj chi rije' kan janila jebel kina'oj; jak'a jun wineq ri kan nuben-wi ri nubij, kan man jun xtilitej.

Wuj Richin Etamabel-Tzij 29:5

Ri wineq ri kan janila nunimirisaj ruq'ij jun rachibil; xa pikbel ri nuya' pa rubey, richin chi nibetzaq.

Wuj Richin ri Jeremías 7:28

Tabij chike: Ja rix ri' ri man xiwajo' ta xiwak'axaj ri ruch'abel ri Jehová ri qa-Dios, ni man xiwajo' ta ri pixabanik, ni man xikusaj ta chik ri qitzijri'il. Xa kan xaxe chik k'a ri man qitzij ta ri yixch'on.

Wuj Richin ri Jeremías 9:8

Ri kaq' rije' xa achi'el ri ch'ab, ri kan yekamisan. Kan jebel yech'on kik'in ri kachpochel, jak'a ri chikij xa nikiya' pikbel pa kibey.

Ez 12:24

Roma kan man jun bey chik xtik'oje' chi'ikojol jun wineq, ri k'o ta nik'utumej chuwech ri xa man qitzij ta, o k'o ta jun wineq ri nuq'alajirisaj ri peteneq y xa q'oloj ri nuben.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

1 Tesalonicenses 2:5

Rix iwetaman chi toq xqabij ri ruch'abel chiwe, man richin ta xqach'ek méro. Y chuqa' iwetaman chi man xqakanoj ta ch'abel ri yalan ta xqa' chiwech richin keri' xixqaq'ol ta.

Santiago 1:8

Roma wi xa ka'i' ik'u'x toq nik'utuj chire ri Dios, niq'alajin chi xa ka'i' chuqa' ik'u'x iwik'in-qa rix chupan ronojel ri ik'aslen.