Wuj Richin Bix Chire ri Dios 12:1 - Kaqchiquel Bible

¹ Jehová, qojato' roma ri choj kik'aslen xa xek'is, kan man jun chik k'a k'o chikikojol ri winaqi' ri choj ta niyibin chawech.

Wuj Richin Bix Chire ri Dios 12:1 ပူးပေါင်းရင်းမြစ်များ

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.

Wuj Richin ri Isaías 57:1

Ri winaqi' ri kan ronojel nikiben pa ruchojmilal, toq yeken-el, xa man jun niniman chike. Chuqa' yeken ri winaqi' ri janila e utz, jak'a man jun achoq chuwech ta niq'ax-wi chi xelesex-el ruk'aslen richin man nutej ta chik poqon chuwech re ruwach'ulew.

San Mateo 24:12

Chuqa' chupan ri q'ij ri' roma kan janila chik biyineq rubanik ri etzelal, e k'iy k'a ri xa xtikimalij kan ri rajowabal ri Dios.

Wuj Richin ri Isaías 63:5

K'ulan k'a xitzu'un, jak'a man jun k'o richin xto'on wichin. Kan janila xinch'ob rij roma man jun xito'on ta juba'. Roma ri' nuyon yin xinch'ek ri oyowal, y ri woyowal xiruq'et.

Wuj Richin Bix Chire ri Dios 6:1

Jehová, tabana' utzil man yinaya' pa ruk'ayewal toq awoyowal. Ni man taben chuwe richin nintej poqon rik'in ri awoyowal.

Wuj Richin Etamabel-Tzij 20:6

Kan ek'o-wi k'a achi'a' ri nikiq'alajirisaj chi rije' kan janila jebel kina'oj; jak'a jun wineq ri kan nuben-wi ri nubij, kan man jun xtilitej.

Wuj Richin ri Rutikeribel 6:12

Y toq ri Dios xutz'et ronojel re', chi xaxe ri etzelal nikiben chuwech ri ruwach'ulew,

San Mateo 8:25

K'ari' ri rutijoxela' xkik'asoj k'a ri Jesús y xkibij chire: ¡Qajaw! ¡Qajaw! Qojakolo'. Wakami yojken, xecha' chire.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

Wuj Richin Bix Chire ri Dios 54:1

Nu-Dios yin, tabana' utzil kinakolo' roma ri nimalej abi'. Kan kinato' k'a rik'in ri awuchuq'a'.

Wuj Richin Bix Chire ri Dios 6:4

Tabana' utzil Jehová takolo' ri nuk'aslen; kinakolo' k'a roma ri ajoyowanik.

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

San Mateo 14:30

Xa jak'a toq xutz'et ri nuben ri nimalej kaq'iq', xpe chik xibinri'il rik'in. Y toq xuna' chi nibe-qa chuxe' ri ya', rik'in k'a uchuq'a' xubij: ¡Ajaw, kinakolo'!, xcha'.

Wuj Richin ri Isaías 59:4

Man jun chiwe rix ri man pa ruchojmilal ta nibesujun, ni man jun ri pa ruchojmilal nibe rik'in q'atbel-tzij. Kan más k'a nikuquba' ik'u'x rik'in tz'ukuj taq tzij, y ri ich'abel man e qitzij ta. Nitik etzelal, y niwachij itzel taq banobel.