Wuj Richin Bix Chire ri Dios 119:2 - Kaqchiquel Bible

² Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Wuj Richin Bix Chire ri Dios 119:2 ပူးပေါင်းရင်းမြစ်များ

Wuj Richin ri Jeremías 29:13

Xkinikanoj y kan xkiniwil, roma rix kan xkinikanoj rik'in ronojel iwánima.

Wuj Richin Bix Chire ri Dios 119:10

Yin kan rik'in k'a ronojel wánima atinkanon-pe. Man taya' q'ij chi ninch'er kan wi' chire ri apixa'.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Deut 6:17

Titaqej k'a y kan tibana' ronojel ri pixa' ri ruya'on chiqe ri Jehová ri qa-Dios.

2 Crón 31:21

Ronojel ri samaj ri xuben pa rachoch ri Dios kan achi'el ri ruchojmilal ri tz'ibatel chupan ri pixa'. Kan xusamajij k'a ri Dios rik'in ronojel ránima, y roma ri' kan ronojel k'a utz xel chuwech.

1 Rey 2:3

Kan tataqej k'a ronojel ri pixabanik ri nuya' ri Jehová ri qa-Dios, y chuqa' tataqej ronojel ri pixa' ri ruya'on kan chire ri Moisés, richin keri' ronojel ri xtaben kan utz k'a xtel chawech xabakuchi xkabe-wi,

1 Juan 3:20

Jak'a wi niqana' pa taq qánima chi qabanon itzel, ri Dios kan retaman-wi, roma ri ruq'atbal-tzij rija' más nim chuwech ri niqana' roj, y kan retaman ronojel.

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Wuj Richin Bix Chire ri Dios 119:22

Kinajech'ej k'a chuwech ri itzel taq kich'obonik ri winaqi' ri', roma yin kan nutaqen-pe ri apixa' rat.

Wuj Richin Bix Chire ri Dios 119:146

Awik'in k'a rat nink'utuj to'onik richin kinakolo'. Y kan xtinben k'a ri nubij ri apixa'.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

Wuj Richin Bix Chire ri Dios 119:17

Tabana' utzil tajoyowaj nuwech yin ri in asamajel, richin yik'ase' y xtinnimaj k'a atzij.

Wuj Richin Bix Chire ri Dios 119:33

Jehová kan tak'utu' k'a chinuwech ri ruchojmilal ri apixa', y kan man xtinmestaj ta k'a chupan chijun ri nuk'aslen.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Wuj Richin Bix Chire ri Dios 119:57

Jehová kan ja rat ri' ri ronojel ri wichin yin; kan nubin chi kan jantape' xtinnimaj ri ach'abel.

Wuj Richin Bix Chire ri Dios 119:69

Ri e nima'q nikina-ki' kan janila tz'ukun-tzij kibanon chuwij, jak'a yin kan rik'in ronojel wánima nubanon ri nubij ri pixa'.

Wuj Richin Bix Chire ri Dios 119:88

Rik'in ri awutzil taya' ruchuq'a' ri nuk'aslen. Keri' kan xtintaqej k'a ronojel ri abin rat.

Wuj Richin Bix Chire ri Dios 119:101

Kan xinchajij k'a wi' chuwech ronojel itzelej taq bey, richin chi xintaqej ri ach'abel.

Wuj Richin Bix Chire ri Dios 119:115

Rix winaqi' ri ix banoy taq etzelal, kan tich'ara-el-iwi', roma yin kan nintaqej na ri rupixa' ri nu-Dios.