Wuj Richin Bix Chire ri Dios 119:16 - Kaqchiquel Bible

¹⁶ Kan xkikikot k'a rik'in ri apixa'; y man jun bey xtinmestaj.

Wuj Richin Bix Chire ri Dios 119:16 ပူးပေါင်းရင်းမြစ်များ

Wuj Richin Bix Chire ri Dios 119:24

Yin kan jantape' yikikot rik'in ri ach'abel ri aya'on kan, roma nubanon chire chi kan jari' ri nupixabanel.

Wuj Richin Bix Chire ri Dios 119:47

Keri' jantape' xkikikot rik'in ri apixa' roma kan wajowan-pe jantape'.

Romanos 7:22

Ri wánima kan yalan-wi nikikot rik'in ri rupixa' ri Dios.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin Bix Chire ri Dios 119:35

Kinayuqej chupan ri bey richin ri ruchojmilal, roma kan rik'in ri' k'o-wi ri nukikoten.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin Bix Chire ri Dios 119:141

Yin xa in ko'ol ok y banon chuwe chi maneq wejqalen, man rik'in ri', man numestan ta kan ri apixa'.

Wuj Richin Bix Chire ri Dios 119:109

Ri nuk'aslen kan jantape' k'a k'o chuwi' ruk'ayewal, jak'a yin kan man xkimestan ta chire ri tijonik ri aya'on chuwe.

Wuj Richin Bix Chire ri Dios 119:83

Stape' yin xa man jun chik yik'atzin-wi, xa in achi'el chik jun tz'um ri xaq-xaq chik rubanon roma yakel kan; jak'a xa kan man numestan ta ri apixa'.

Wuj Richin Bix Chire ri Dios 119:77

Tabana' utzil taya' ri ajoyowanik pa nuwi' richin chi kan xkik'ase'. Yin kan ja ri apixa' ri nukikoten.

Wuj Richin Bix Chire ri Dios 119:70

Rije' kan man nikina' ta toq yemakun, jak'a yin kan yikikot toq ninben ri nubij ri apixa'.

Wuj Richin Bix Chire ri Dios 1:2

Pa ruk'exel ri' xa kan rik'in ri rupixa' ri Jehová nikikot-wi. Ri rupixa' ri Jehová jari' ri nuquqa-rij chi paq'ij chi chaq'a'.

Wuj Richin Bix Chire ri Dios 119:14

Janila yikikot roma ninnimaj ri apixa', roma k'o más rejqalen chuwech jun beyomel.

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Wuj Richin Bix Chire ri Dios 119:61

Kan pa taq tzobaj winaqi' ri e banoy taq etzelal ri kisutin-wij. Jak'a yin kan man numalin ta kan ri apixa'.

Wuj Richin Bix Chire ri Dios 119:143

Yin kan k'o k'a tijoj-poqonal y q'axo'n pa nuk'aslen, jak'a ri apixa' kan nukuquba' nuk'u'x y yikikot.

Wuj Richin Bix Chire ri Dios 119:153

Jehová tatzu' ri nutijoj-poqonal y kinajech'ej chuwech, roma yin kan man in mestawineq ta chire ri apixa'.

Wuj Richin Bix Chire ri Dios 119:174

Jehová, kan jantape' k'a ninrayij richin yinato'; ri apixa' kan jari' ri ruki'il ri nuk'aslen.

Wuj Richin Etamabel-Tzij 21:15

Toq ri nikiben ri winaqi' kan ronojel pa ruchojmilal, ri winaqi' e choj, kan nuk'en k'a pe kikoten chike; jak'a chike ri winaqi' e banoy richin ri etzelal, xa nuk'en-pe tzaqik.

Wuj Richin ri Jeremías 15:16

Toq yach'on-pe wik'in, ri ach'abel kan ninben wichin chire. Ri ach'abel jebel nuben chuwe y jari' ri nibanon chire ri wánima richin nikikot, roma yin kan in awichin rat Jehová, Dios k'iytisanel richin ronojel.