Wuj Richin Bix Chire ri Dios 119:144 - Kaqchiquel Bible

¹⁴⁴ Ri ach'abel rat kan jantape' choj. Tabana' utzil taya' nuna'oj richin yik'ase' rik'in.

Wuj Richin Bix Chire ri Dios 119:144 ပူးပေါင်းရင်းမြစ်များ

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Dn 12:10

E k'iy k'a ri xkeq'ax chupan ri tijoj-poqonal, richin xkek'ulun k'a más e choj y más e ch'ajch'oj. Jak'a ri e banoy taq etzelal kan xtikiben chik k'a más ri etzelal, y man xtiq'ax ta k'a chikiwech ri ruk'ayewal ri najin. Xa kan xaxe k'a chikiwech ri e aj-na'oj ri xtibeq'ax-wi ronojel re'.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin Bix Chire ri Dios 119:169

Jehová, ri nujiloj kan ta k'a xtapon chawech rat. Taya' k'a nuna'oj achi'el ri asujun chuwe.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin Etamabel-Tzij 10:21

Ri ruch'abel ri wineq ri choj ruk'aslen, kan k'o utz nuk'en-pe chike ri winaqi'; jak'a ri wineq ri xa maneq ok runa'oj, ni rija' man nitikir ta nuto-ri' y pa kamik napon-wi.

Wuj Richin Bix Chire ri Dios 119:73

Ja rat Jehová xanuk'u wichin richin xinaben. Tabana' k'a chuwe richin ta niq'ax chinuwech y xtinwetamaj ri apixa'.

San Mateo 13:19

Ri ija'tz ri xqaqa kan pa bey, nich'on chikij ri winaqi' ri ye'ak'axan ri ruch'abel ri Dios. Jak'a ri ye'ak'axan xa man niq'ax ta chikiwech y jak'a ri' toq nipe ri itzel richin norelesaj-el ri ch'abel ri tikon-qa, ri xqaqa kan chuchi' ri bey.

San Mateo 5:18

Roma kan qitzij ninbij chiwe, chi ronojel ri tz'ibatel kan chupan ri pixa', kan xkebanatej-wi. Re ruwach'ulew y re kaj xa xkek'is k'a. Jak'a ri e tz'ibatel kan chupan ri pixa' kan xkebanatej-wi, y man jun xtik'oje' kan chaq keri'.

Wuj Richin Bix Chire ri Dios 119:152

Kan ojer yan k'a ri' wetaman-pe ri apixa', ri pixa' ri aya'on kan rat, kan richin jantape'.

Wuj Richin Bix Chire ri Dios 119:138

Ri ach'abel ri achilaben kan, kan e choj-wi y kan yebanatej ri nubij.

Wuj Richin Bix Chire ri Dios 119:66

Kan tak'utu' k'a chinuwech ri utzilej taq ch'obonik y ri na'oj, roma yin kan nukuquban nuk'u'x rik'in ri apixa'.

Wuj Richin Bix Chire ri Dios 19:9

Ri rutijonik ri Jehová kan janila utz y kan keri' richin jantape'. Ri q'atbel-tzij richin ri Jehová kan pa ruchojmilal y kan e qitzij.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Wuj Richin Bix Chire ri Dios 119:17

Tabana' utzil tajoyowaj nuwech yin ri in asamajel, richin yik'ase' y xtinnimaj k'a atzij.

Wuj Richin Bix Chire ri Dios 119:151

Jak'a rat Jehová kan naqaj atk'o-wi chuwe yin; ronojel ri apixa' kan ja wi ri' ri qitzij.

Wuj Richin Etamabel-Tzij 4:4

Ri nata' kan kere' k'a ri ch'abel ri xerubij chuwe: Kan kek'ase' k'a jebel ri nuch'abel ri pan awánima, y kan tabana' k'a ri ninbij chawe, richin chi kan ki' ri k'aslen ri xtawil.

Wuj Richin Etamabel-Tzij 7:2

Kan tibana' wi k'a ri ninbij yin y re' xtuben chiwe chi xtik'oje' ik'aslen, kan tiloq'oq'ej k'a ri tijonik ri nuya'on chiwe, achi'el niloq'oq'ej ri runaq' taq iwech.