Wuj Richin Bix Chire ri Dios 119:141 - Kaqchiquel Bible

¹⁴¹ Yin xa in ko'ol ok y banon chuwe chi maneq wejqalen, man rik'in ri', man numestan ta kan ri apixa'.

Wuj Richin Bix Chire ri Dios 119:141 ပူးပေါင်းရင်းမြစ်များ

Wuj Richin Bix Chire ri Dios 22:6

Jak'a yin xa kan man in wineq ta chik chikiwech ri ch'aqa' chik. Xa kan in achi'el chik k'a jun jut chikiwech. Y kan in ketzelan k'a ri winaqi' richin ri tinamit.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

San Lucas 9:58

Jak'a ri Jesús xubij chire: Ri utiwa' kan k'o-wi kijul akuchi yek'oje-wi; y keri' chuqa' ri aj-xik' taq chikopi', kan k'o chuqa' kisok. Jak'a yin, ri xiqaqa-pe achi'el wineq chi'ikojol, kan man jun k'a akuchi ta yinuxlan-wi juba', xcha' chire.

San Lucas 6:20

Kan jari' k'a toq ri Jesús xerutzu' ri rutijoxela' y xubij chike: Jebel ruwa-iq'ij rix ri man jun k'o iwik'in, roma kan yixok pa rajawaren ri Dios.

Wuj Richin Etamabel-Tzij 16:8

Más utz xa juba' ok ri nik'oje' pa ruq'a' ri wineq y rik'in ruchojmilal ruch'akon-wi; y mani beneq pa jotol rik'in ronojel ri nuch'ek, y xa nutz'oq chuwi-kiq'a' ri winaqi'.

Wuj Richin Etamabel-Tzij 15:16

Kan más wi utz chi xa juba' ok ri k'o rik'in jun wineq y k'o rukiy ri Dios chuwech; y mani janila chi beyomel y xa maneq rutzil ri k'aslen.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin Bix Chire ri Dios 119:109

Ri nuk'aslen kan jantape' k'a k'o chuwi' ruk'ayewal, jak'a yin kan man xkimestan ta chire ri tijonik ri aya'on chuwe.

Wuj Richin Bix Chire ri Dios 40:17

Jak'a yin k'a ink'o na pa q'axo'n, y kan k'a k'o na ri nik'atzin chuwe. Ninwoyobej chi rat nawak'axaj ri nuch'owen. Ja rat at nuto'onel y nukolonel, nu-Dios yin. Y roma ri' kinato' chi'anin.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin Etamabel-Tzij 19:1

Kan más jebel ri wineq ri man jun ok k'o rik'in, xaxe wi ri ruk'aslen kan choj-wi; y mani ri wineq ri xaxe etzelal ek'o pa ruchi' y kan q'alaj chi maneq runa'oj.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin Bix Chire ri Dios 119:16

Kan xkikikot k'a rik'in ri apixa'; y man jun bey xtinmestaj.