Wuj Richin Bix Chire ri Dios 118:7 - Kaqchiquel Bible

⁷ Ri Jehová kan k'o wik'in yin, ja rija' ri nito'on wichin. Yin kan xkentz'et k'a ri e etzelanel wichin toq xketzaq.

Wuj Richin Bix Chire ri Dios 118:7 ပူးပေါင်းရင်းမြစ်များ

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Wuj Richin Bix Chire ri Dios 112:8

Rija' kan kow k'o, y roma ri' man nuxibij ta ri'. Kan yerutzu' k'a ri e etzelanel richin toq nikitej poqon.

Wuj Richin Bix Chire ri Dios 54:4

Jak'a yin kan ja rat nu-Dios ri yato'on wichin. Ja rat wajaw ri at chapayon ri nuk'aslen.

Wuj Richin Bix Chire ri Dios 54:6

Yin kan rik'in k'a ronojel wánima xtinsuj sipanik chawe. Kan xtinbixaj k'a ri nimalej abi' rat Jehová, roma kan janila at utz wik'in yin.

Wuj Richin Bix Chire ri Dios 54:7

Roma rat kan in ato'on rik'in ronojel ri bis. Yin kan xintz'et k'a chi ri e etzelanel wichin kan xetzaq.

Wuj Richin Bix Chire ri Dios 55:18

Rija' kan xtukol ri nuk'aslen, stape' chupan ri oyowal ri yakatajineq chuwij, y stape' kan janila e k'iy ri e yakatajineq chuwij,

Wuj Richin Bix Chire ri Dios 59:10

Rat, ri najoyowaj nuwech, xkayuqen wichin; xtaya' k'a q'ij chuwe chi yin xkikikot chikij ri e etzelanel wichin.

Wuj Richin Bix Chire ri Dios 59:11

Man ke'akamisaj-el jumul, richin chi ri nuwinaq nikik'en kina'oj chikij rije'; xa ke'ataluj k'a el rik'in ri awuchuq'a' y tabana' chike richin nikitej poqon, keri' tabana' chike, rat ri at nutobal yin.

Wuj Richin Bix Chire ri Dios 92:11

Yin kan xintz'et k'a ri xkik'uluwachij ri e etzelanel wichin. Kan xinwak'axaj k'a toq yesik'in ri e yakatajineq chuwij.

Wuj Richin ri Isaías 41:13

Ronojel re' xtibanatej roma ja yin Jehová ri in i-Dios, y yin xtinchop kow ri iq'a' richin man xkixtzaq ta, y ninbij chiwe chi man tixibij-iwi', roma yin xkixinto'.