Wuj Richin Bix Chire ri Dios 118:28 - Kaqchiquel Bible

²⁸ Jehová, kan ja rat ri at nu-Dios, y kan xtinya' k'a aq'ij. Nu-Dios yin, kan xtinnimirisaj k'a ri aq'ij.

Wuj Richin Bix Chire ri Dios 118:28 ပူးပေါင်းရင်းမြစ်များ

Wuj Richin ri Isaías 25:1

Ja rat Jehová, ja rat ri at qa-Dios, xtiqanimirisaj y xtiqabixaj ri abi'. Ri ojer kan rat xach'ob xe'aben meyel taq banobel, y wakami kan xaben ri xabij. Kan xaben ri xasuj.

Wuj Richin Bix Chire ri Dios 146:2

Kan xtinya' k'a ruq'ij ri Jehová chijun ri nuk'aslen; kan xkibixan chire ri nu-Dios, rokik in k'es chuwech re ruwach'ulew.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 25:9

Y chupan ri q'ij ri' xtiqabij: Ja qa-Dios re' kan jare' ri qoyoben y kan xqojrukol. Ja Jehová re' ri janila qoyoben, y roma ri' kan qojkikot k'a rik'in ri kolotajik ri xuya' chiqe, xqojcha'.

Wuj Richin Bix Chire ri Dios 145:1

Xtinnimirisaj k'a aq'ij, nu-Dios, nu-rey. Xtinya' aq'ij jantape', tibe-q'ij tibe-seq.

1 Crón 16:14

Ja rija' ri Jehová ri qa-Dios; Ja rija' ri niq'aton-tzij pa ruwi' chijun ri ruwach'ulew.

Wuj Richin Bix Chire ri Dios 143:10

Tak'utu' chinuwech chi ninben ri niqa' chawech, roma kan ja rat ri at nu-Dios; rik'in ri awajowabal xkinayuqej chupan ri ruchojmilal.