Wuj Richin Bix Chire ri Dios 118:24 - Kaqchiquel Bible

²⁴ Ja q'ij re' ri xuben ri Jehová. Y roma ri' kan xqojnimaq'ijun k'a rik'in kikoten rik'in rija'.

Wuj Richin Bix Chire ri Dios 118:24 ပူးပေါင်းရင်းမြစ်များ

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Wuj Richin ri Nehemías 8:10

Y xeri' yin xinbij chike: Kixbiyin y tibetija' ti'ij y tibequmu' vino y tisipaj juba' chike ri man jun k'o kik'in richin nikitej, roma re q'ij re' kan ch'aron chire ri Jehová. Man jun tibison, xa kan kixkikot k'a chi'iwonojel, roma ri kikoten ri nuya' ri Jehová jari' ri quchuq'a', xicha'.

1 Rey 8:66

Y toq xk'is ri nimaq'ij ri', ri ruka'n q'ij chik, ri Salomón xerutaluj-el ri winaqi', y rije' kan xkinimirisaj ri rubi' rija', y k'ari' xebe chi taq kachoch rik'in janila kikoten pa taq kánima, roma ronojel ri utzil ri xuben ri Jehová rik'in ri ánima David ri rusamajel, y chuqa' rik'in ri rutinamit Israel.

Apocalipsis 1:10

Y chupan jun chike ri q'ij toq niqaya' ruq'ij ri Dios, ri Loq'olej Espíritu xirunojisaj rik'in uchuq'a'. Y xinwak'axaj k'a chi k'o jun ri nich'on-pe chuwij ri ruch'abel kan achi'el niq'ajan jun trompeta.

Hechos 20:7

Ri jun chik q'ij chirij ri q'ij richin uxlanen, xkimol-ki' ri qach'alal ri ek'o chupan ri tinamit ri' richin nikitej ri kaxlan-wey natabel richin ri rukamik ri ajaw Jesucristo. Ri Pablo xch'on k'a chikiwech ri qach'alal, y xapon k'a nik'aj-aq'a', roma ja ri ruka'n q'ij k'o chi nibe.

Wuj Richin ri Zacarías 3:9

Yin Jehová xtinya' jun abej chawech rat Josué. Y chuwech k'a re abej re' ek'o wuqu' wachaj. Y ja yin ri xkitz'iban chuwech ri abej ri'. Xeri', pa jun q'ij xtinwelesaj ronojel ri mak pa ruwi' re jun ruwach'ulew re'.