Wuj Richin Bix Chire ri Dios 117:1 - Kaqchiquel Bible

¹ Tinimirisaj ruq'ij ri Jehová, chi'iwonojel rix winaqi' richin chijun ruwach'ulew. Chi'iwonojel rix tinamit, kan tiya' k'a ruq'ij.

Wuj Richin Bix Chire ri Dios 117:1 ပူးပေါင်းရင်းမြစ်များ

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Romanos 15:11

Y juk'an chik nubij:*f54* Tinimirisaj ruq'ij ri Jehová, chi'iwonojel rix winaqi' richin chijun ruwach'ulew. chi'iwonojel rix tinamit, kan tiya' k'a ruq'ij, nicha'.

Wuj Richin Bix Chire ri Dios 67:3

Nimalej Dios, kan tikiya' k'a aq'ij konojel winaqi', kan konojel k'a tinamit tikinimirisaj ri abi'.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Wuj Richin Bix Chire ri Dios 66:1

Chi'iwonojel rix winaqi', tinimirisaj rubi' ri Jehová rik'in kikoten.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin Bix Chire ri Dios 66:4

Konojel k'a winaqi' richin re ruwach'ulew nikiya' aq'ij. Kan yebixan k'a chawe rat y ja ri abi' ri nikibixaj, kixcha' chire.

Wuj Richin Bix Chire ri Dios 150:6

Konojel ri k'o kik'aslen kan tikinimirisaj k'a ruq'ij ri Jehová. ¡Kan tinimirisex k'a ruq'ij rija'!