Wuj Richin Bix Chire ri Dios 116:16 - Kaqchiquel Bible

¹⁶ Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Wuj Richin Bix Chire ri Dios 116:16 ပူးပေါင်းရင်းမြစ်များ

Wuj Richin Bix Chire ri Dios 86:16

Kinatzu' y tajoyowaj nuwech, taya' wuchuq'a' y kinakolo' yin ri in asamajel; yin ri in ral kan ri xok chuqa' asamajel.

Wuj Richin Bix Chire ri Dios 143:12

Roma ri awajowabal pa nuwi', xke'akamisaj ta k'a ri e etzelanel wichin. Konojel ri nikajo' yinkikamisaj kan ta xke'ak'is roma yin kan in asamajel.

Wuj Richin Bix Chire ri Dios 119:125

Yin kan in asamajel rat, tabana' utzil kan taya' k'a nuna'oj, richin ninwetamaj jebel ri apixa'.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

Romanos 6:22

Jak'a re wakami ri mak kan man jun chik ruq'a' chiwe; xa kan ixk'o chik pa ruq'a' ri Dios. Roma ri' toq ik'ulun chik jun k'aslen ch'ajch'oj, y pa ruk'isibel nuk'en-pe ri k'aslen ri man k'isel ta.

Hechos 27:23

Roma chi'aq'a' xuk'ut-ri' chinuwech jun ángel ri rutaqon-pe ri Dios; ri Dios ri wajaw y ri ninsamajij chuqa'.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

Wuj Richin ri Isaías 61:1

Ri uchuq'a' richin ri Jehová ri wajaw kan k'o pa nuwi' yin; ri Jehová k'iytisanel richin ronojel kan xirucha' k'a yin. Kan xiruteq k'a pe richin ninya' utzilej rutzijol chike ri e k'ayewatajineq, richin ninya' ch'uch'ujil pa taq kánima ri niq'axon kánima, achi'el naq'omex jun sokotajik, richin yetotej ri e ximil, y ri ek'o pa cárcel kan xketotej k'a el.

1 Crón 17:19

Jehová, roma ri nimalej ajowabel ri k'o pan awánima kan xajikiba' k'a ri xasuj chuwe, richin chi niq'alajin ri nunimirinen.