Wuj Richin Bix Chire ri Dios 116:14 - Kaqchiquel Bible

¹⁴ Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin Bix Chire ri Dios 116:14 ပူးပေါင်းရင်းမြစ်များ

Wuj Richin Bix Chire ri Dios 22:25

Jehová, yin kan xtinbixaj k'a ri abi' chikikojol ri wach'alal. Ri nusujun chawe, kan xtinben chikiwech ri nikiya' aq'ij.

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

San Mateo 5:33

Y chuqa' rix kan jebel iwetaman ri xbix chike ri qawinaq ojer kan, chi man tikiq'ej ruwi' ri ya'on-tzij ri nikiben. Xa kan tikibana' k'a ri xkiya' kitzij chire richin nikiben chuwech ri ajaw.

Wuj Richin Bix Chire ri Dios 56:12

Roma ri' xtintaqej k'a ri nusujun chawe nu-Dios yin. Kan xtinya' k'a sipanik richin matioxinik chawe.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Jonás 1:16

Y ri achi'a' ri xebanon, kan xk'oje' rukiy ri Jehová chikiwech; xkisuj kamelabel y xkiya' kitzij chi kan xtikisamajij.

Wuj Richin Bix Chire ri Dios 22:26

Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

Wuj Richin Bix Chire ri Dios 65:2

Kan awik'in k'a rat xkepe-wi konojel ri winaqi', roma rat kan nawak'axaj ronojel ri ch'owen ri yeban awik'in.