Wuj Richin Bix Chire ri Dios 116:1 - Kaqchiquel Bible

¹ Yin kan ninwajo' ri Jehová, roma toq yin xink'utuj utzil chire, rija' kan xirak'axaj.

Wuj Richin Bix Chire ri Dios 116:1 ပူးပေါင်းရင်းမြစ်များ

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

Marcos 12:33

Nik'atzin chi niqajo' rik'in ronojel qánima, rik'in ronojel qak'u'x, rik'in ronojel qak'aslen y rik'in ronojel quchuq'a'. Achi'el chuqa' niqajo-qa-qi' roj, kan keri' chuqa' keqajo' ri qachpochel. Wi yeqaben k'a re', kan más kejqalen chuwech ri poron chikop y ri kamelabel, xcha' ri etamanel.

Wuj Richin Bix Chire ri Dios 69:33

Ri Jehová kan yerak'axaj ri man jun k'o kik'in, y kan man yerixowaj ta ri ek'o pa ximonri'il.

Wuj Richin Bix Chire ri Dios 40:1

Yin xinwoyobej rik'in koch'onik ri Jehová. Y rija' kan xrak'axaj ri nuch'owen.

Wuj Richin Bix Chire ri Dios 119:132

Kinatzu' k'a pe y tajoyowaj nuwech. Achi'el naben kik'in ri ye'ajowan awichin.

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

Wuj Richin ri Q'axanri'il 21:3

Y ri Jehová kan xrak'axaj k'a ri kich'abel rije' toq xekamela'an chuwech y kan xerujech k'a ri winaqi' pa kiq'a' y xekik'is chuqa' ri kitinamit y roma ri' ri tinamit ri' xubini'aj Hormá.*f3*

1 Rey 9:3

Y xuk'uluba-pe ri ruch'abel ri Salomón y xubij chire: Yin kan xinwak'axaj ri ach'owen y ri utzil ri xak'utuj chuwe. Kan xinben yan k'a wichin chire re jay re xapaba-q'anej rat richin chi wawe' niya'ox-wi nuq'ij. Kan jantape' k'a xtik'oje' chinuk'u'x y kan xtinchajij ronojel q'ij.

Wuj Richin Bix Chire ri Dios 28:6

Nimalej aq'ij rat Jehová, roma kan xawak'axaj ri nuch'owen.

Wuj Richin ri Isaías 38:15

¿Achike ta k'a yitikir ninbij yin? Roma ja rat xaya' q'ij chi xiruchop ri yabil ri'. Wakami k'a chijun ri nuk'aslen kan ninqasaj-wi' chawech rat, roma ri nimalej bis ri xk'oje' pa wánima.

Wuj Richin ri K'uxla'anik 3:56

Roma ri' rat kan xawak'axaj k'a ri nuch'abel. Toq xink'utuj utzil chawe, rat kan xinato'.

Wuj Richin ri Jonás 2:3

Rat xinak'eq-qa, k'a chuxe' ri ya', y ri ya' ri nibolqo't kan xeq'axilan k'a chuwij.