Wuj Richin Bix Chire ri Dios 115:3 - Kaqchiquel Bible

³ Ri qa-Dios roj k'o k'a chila' chikaj. Ronojel ri nurayij chi nuben, kan rubanon.

Wuj Richin Bix Chire ri Dios 115:3 ပူးပေါင်းရင်းမြစ်များ

Wuj Richin Bix Chire ri Dios 135:6

Ronojel ri nrajo' nuben ri Jehová, kan nuben. Keri' nuben chikaj y chuwach'ulew, chupan ri nimalej taq palou, y k'a chupan-qa ri ruxe'.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Wuj Richin ri Isaías 46:10

Ri pa rutikeribel yin xinq'alajirisaj ri peteneq chiwech-apo. Chuqa' xinbij yan ri xa man jani tibanatej. Ri nubin kan xtibanatej, y ninben ronojel ri ninwajo'.

Efesios 1:11

Kan roma k'a ri Cristo toq roj xojcha'ox richin xojok ralk'ual ri Dios, roma keri' ruch'obon pe pa qawi' ri Dios ri ronojel nuben achi'el ri rurayibel.

Wuj Richin Bix Chire ri Dios 103:19

Ri Jehová kan k'a chila' chikaj k'o-wi ri rutz'uyubal richin niq'aton-tzij. Rija' kan nuq'et k'a tzij pa ruwi' ronojel.

Romanos 9:19

Rik'in juba' jun chiwe rix nuch'ob-qa: Wi xa rik'in ri Dios k'o-wi chi nujoyowaj ruwech jun wineq, y kan nukowirisaj ri ránima jun wineq, ¿achike k'a roma toq aj-maki' nubij chiqe? Yixcha' ta qa.

Wuj Richin Bix Chire ri Dios 2:4

Jak'a ri Dios ri k'o chila' chikaj xa xtitze'en, kan nikikot ri ajaw chikij rije'.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Wuj Richin Bix Chire ri Dios 123:1

Awik'in k'a rat Jehová ri atk'o chila' chikaj jantape' nink'utuj to'onik.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Wuj Richin Bix Chire ri Dios 68:4

Roma ri' kan tibixaj k'a rubi' ri Dios, kan tiya' k'a bix chire; tinimirisaj k'a rubi' ri nibiyaj pa ruwi' ri sutz'. Jehová jari' ri rubi'. ¡Kan kixkikot k'a chuwech rija'!

Wuj Richin ri Achin Job 23:13

Xaxe k'a ri Dios ri pa'el pa ruwi' ronojel y man jun chik ri achi'el ta rija'. Man jun ri nitikir ta nupaba-ri' chuwech y nujel ta ri nuch'ob. Roma kan achike k'a ri nrajo' ri ránima rija', jari' ri nuben.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.