Wuj Richin Bix Chire ri Dios 115:14 - Kaqchiquel Bible

¹⁴ Ri Jehová kan xtuben chike chi xkewinaqir, rije' y ri kijatzul.

Wuj Richin Bix Chire ri Dios 115:14 ပူးပေါင်းရင်းမြစ်များ

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

2 Sam 24:3

Jak'a ri Joab xubij chire: Ri Jehová ri qa-Dios xtunimirisaj ta wok'al mul más chike ri aj-labal ri ek'o wakami, y re' kan xtatz'et ta rat. Y ¿achike k'a roma kan nawajo' naben re jun tz'iban bi'aj re'?, xcha'

Wuj Richin ri Rutikeribel 13:16

Y yin xtinben chi xkek'iyer ri awijatzul y kan man e ajlatel ta k'a achi'el ri poqolaj kan man jun nitikir najlan.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

Apocalipsis 7:4

Y xinwetamaj k'a chi ri xkik'ul ketal e 144,000 winaqi' e richin ri kablajuj tzobaj richin ri ruwach'ulew Israel.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

Wuj Richin ri Zacarías 10:8

Toq yin Jehová xkenwoyoj rik'in xubanik, rije' kan xtikimol-ki'. Toq xkenkol, kan janila k'a xkewinaqir achi'el kibanon-pe ojer.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Wuj Richin ri Isaías 56:8

Yin Jehová ri ink'o pa ruwi' ronojel, y ja yin xkimolon kichi' konojel ri aj-Israel ri xa kitalun-ki'. Y ninjikiba' nutzij chi xkenmol chik ch'aqa' winaqi' kik'in.