Wuj Richin Bix Chire ri Dios 114:4 - Kaqchiquel Bible

⁴ Ri nima'q taq juyu' kan xesilon, achi'el yetzopiyaj ri achija' taq tzuntzun. Ri ruwa taq juyu' kan xesilon k'a achi'el nikiben ri alaji' taq karne'l.

Wuj Richin Bix Chire ri Dios 114:4 ပူးပေါင်းရင်းမြစ်များ

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Wuj Richin ri Habacuc 3:6

Toq ri Jehová nipa'e-qa juba', ri ruwach'ulew kan nisilon. Xaxe nutzu', kan nuben chike ri winaqi' chi yek'ark'ot. Ri ojer taq juyu' kan yek'is chuwech rija'. Ri ojer taq ruwi' juyu' xa kan yewuluwu' k'a qa. Jak'a ri bey richin ri Jehová, ri' kan richin q'asen.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Wuj Richin ri Habacuc 3:8

Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.

Wuj Richin Bix Chire ri Dios 29:6

Nuben k'a chi ri juyu' Líbano y ri Hermón*f29* kan yepe silonel pa kiwi'. Kan yesilon k'a achi'el yetzopin ri nima-alaji' achija' taq wákix, y achi'el ri wákix richin k'echelaj.

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Richin ri Nahum 1:5

Ri juyu' yebaybot chuwech rija', y ri ch'uti'n taq juyu' xa yek'is-qa. Ri ruwach'ulew kan nisilon chuwech rija', keri' chuqa' ronojel ri ek'o chuwech.

Wuj Richin Bix Chire ri Dios 68:16

¿Achike k'a roma nich'upun ik'u'x rix nima'q taq juyu' chirij ri juyu' ri rucha'on ri Dios richin chi chiri' niq'aton-wi-tzij? Kan qitzij wi chi chiri' xtik'oje-wi rija' richin jantape'.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.