Wuj Richin Bix Chire ri Dios 113:9 - Kaqchiquel Bible

⁹ Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

Wuj Richin Bix Chire ri Dios 113:9 ပူးပေါင်းရင်းမြစ်များ

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

2 Rey 4:17

Chirij ri', ri ixoq kan xyawej k'a kan; y xk'oje' na wi jun ti ral chupan ri jun chik juna', achi'el xubij kan ri Eliseo chire.

Wuj Richin Bix Chire ri Dios 68:6

Kan nuben chi ri e malin kan, kan ye'ok ach'alalri'il kik'in ch'aqa' chik, kan nuben chuqa' chike ri e ximil chi kan yekolotej; jak'a ri man nikinimaj ta tzij, nuben chike chi xkek'oje' chupan jun ruwach'ulew chaqi'j-chaqi'j.

Wuj Richin ri Isaías 54:1

Ri Jehová nubij: Kan kixkikot k'a rix ixoqi' ri man jun bey xixyawej kan chirij jun ak'ual. Rix ri man xek'oje' ta iwal, kan kixbixan rik'in kikoten, roma rix ri ix malin kan, kan xkek'oje' más e k'iy iwal chikiwech ri ixoqi' ri ek'o chik kal.

Wuj Richin ri Q'axanri'il 5:28

Jak'a wi ri ixoq kan ch'ajch'oj y xa kan choj ri ruk'aslen chuwech ri rachijil, rija' kan xtitotej y kan xtik'oje' chik ral. Keri' xubij ri Jehová chire ri Moisés chi tubij chike ri ruwinaq.

Gálatas 4:27

Y chirij k'a ri' nich'on-wi ri ruch'abel ri Dios ri tz'ibatel kan, toq nubij:*f11* Kan kakikot k'a rat ixoq ri man jun bey xayawej kan chirij jun ak'ual. Rat ri man xek'oje' ta awal, kan kabixan rik'in kikoten, roma stape' at malin kan, kan xkek'oje' más e k'iy awal chikiwech ri ixoqi' ri k'o kachijil kik'in, nicha'.

1 Sam 2:5

Ri pa nabey k'o ronojel kik'in, wakami xa xkiya-ki' pa qajik roma juba' kaxlan-wey. Y jak'a ri xewayjan, wakami man yewayjan ta chik. Ri ixoq ri man nik'oje' ta ral, wakami xek'oje' e wuqu' ral. Y ri xek'oje' janila ral wakami xa maneq chik ruchuq'a'.