Wuj Richin Bix Chire ri Dios 113:5 - Kaqchiquel Bible

⁵ ¿Achike chik ta k'a jun k'o achi'el ri Jehová ri qa-Dios, ri kan k'a más nej chire ri kaj tz'uyul-wi?

Wuj Richin Bix Chire ri Dios 113:5 ပူးပေါင်းရင်းမြစ်များ

Wuj Richin Bix Chire ri Dios 89:6

Man jun k'o chila' chikaj ri achi'el rat. Man jun ri k'o chila' awik'in ri junan ta awik'in rat.

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

Wuj Richin ri Isaías 40:25

Ri Dios nubij: ¿Achoq ik'in k'a xkinijunamaj-wi? ¿Achoq ik'in kami in junan yin ri Loq'olej richin Israel?, xcha'.

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Wuj Richin Bix Chire ri Dios 89:8

Nimalej Jehová, Dios k'iytisanel richin ronojel, ¿achike ta chik k'a jun ri achi'el rat? Rat kan k'o ronojel uchuq'a' pan aq'a'. Ronojel ri asujun, kan abanon.

Wuj Richin ri Isaías 40:18

Ri Dios man jun achoq ik'in nijunamex-wi, ni man nijunamex ta rik'in jun wachibel.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.

Wuj Richin ri Isaías 16:5

toq xtipe jun rey ri k'o joyowanik rik'in. Rija' jun chike ri rijatzul kan ri David, y kan xtiberuq'ata-tzij rik'in chojmilal. Kan chi'anin xtuq'et-tzij pa ruchojmilal.

Wuj Richin Bix Chire ri Dios 103:19

Ri Jehová kan k'a chila' chikaj k'o-wi ri rutz'uyubal richin niq'aton-tzij. Rija' kan nuq'et k'a tzij pa ruwi' ronojel.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

Wuj Richin Bix Chire ri Dios 89:9

Rat kan naq'et k'a ri royowal ri palou toq nibolqo't-pe ruwi', rat kan naben k'a chire chi nisiliso-qa.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.