Wuj Richin Bix Chire ri Dios 113:3 - Kaqchiquel Bible

³ Kan k'a akuchi k'a nel-wi-pe ri q'ij, y k'a akuchi nibeqaqa-wi, kan tinimirisex k'a ri rubi' ri Jehová.

Wuj Richin Bix Chire ri Dios 113:3 ပူးပေါင်းရင်းမြစ်များ

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin Bix Chire ri Dios 18:3

Kan ninnataj k'a ri abi' rat Jehová, roma kan ruk'amon richin niya'ox aq'ij-ak'ojlen. Kan yinakol k'a chikiwech ri e etzelanel wichin.

Wuj Richin ri Isaías 49:13

Kan jajun ri kaj xtibixan roma kikoten, y kan jajun ri ruwach'ulew kan janila nikikot. Chuqa' jajun ri juyu' xtisik'in roma kikoten, roma yin Jehová kan xtinkuquba' ik'u'x rix, y kan xtinjoyowaj iwech roma xitej poqon.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin ri Isaías 59:19

Pa kiwi' konojel ri ek'o nej xtapon-wi ri rutojbalil: Nitiker-pe pa relebel-q'ij y napon k'a pa qajbel-q'ij, richin tiketamaj konojel winaqi' chi ri Jehová kan k'o-wi ruq'ij-ruk'ojlen. Roma rija' xtipe kan rik'in uchuq'a', kan achi'el nibiyin jun nimalej raqen-ya' ri nimon-pe rik'in jun nimalej kaq'iq' richin ri Jehová.

Wuj Richin Bix Chire ri Dios 48:10

Kan achi'el k'a ri utzilej atzijol, keri' ri ruya'ik aq'ij chuwech chijun re ruwach'ulew. Ri awijkiq'a' xaxe ri ruchojmilal ri nuben.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Wuj Richin Bix Chire ri Dios 72:11

Konojel k'a ri rey richin chijun ruwach'ulew xkexuke' chuwech rija', y konojel tzobaj winaqi' richin re ruwach'ulew xtikisamajij rija'.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

Wuj Richin ri Isaías 24:16

Kan xtak'axatej k'a ri bix, k'a pa rutikeribel y pa ruk'isibel chire ri ruwach'ulew. Y kere' ri xtikibixaj: Nim ruq'ij ri Dios ri kan choj ruk'aslen, xkecha'. Jak'a yin xtinbij: Toq'ex nuwech yin, toq'ex nuwech yin. Man jun achoq ik'in xtinkuquba-wi nuk'u'x, roma konojel xa e q'olonel.