Wuj Richin Bix Chire ri Dios 112:9 - Kaqchiquel Bible

⁹ Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Wuj Richin Bix Chire ri Dios 112:9 ပူးပေါင်းရင်းမြစ်များ

Wuj Richin Bix Chire ri Dios 75:10

Ri kuchuq'a' ri e banoy etzelal kan xtich'akatej k'a. Jak'a ri kuchuq'a' ri kan choj kik'aslen kan tinimirisex.

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Romanos 12:13

Toq ek'o ch'aqa' qach'alal ri k'o nik'atzin chike, kan ke'ito'. Y wi ek'o qach'alal ri e aj juk'an chik, man kixkos richin nisuj chike richin ye'uxlan kan pan iwachoch y niya' ri nik'atzin chike.

Apocalipsis 22:11

Roma ri' ri man choj ta ruk'aslen, tubana' k'a ri nrajo'. Y ri uk'uayon jun tz'ilolej k'aslen, tubana' k'a ri nurayij. Jak'a ri choj kik'aslen, man tikijel rubanik. Y ri e ch'aron richin ri Dios, kan keri' k'a tikibana-apo.

Hechos 20:35

Yin kan xink'ut k'a chiwech chi nik'atzin chi yixsamej richin nich'ek iméro richin chi rik'in ri' ye'itobej ri nik'atzin kito'ik. Toqaqa k'a chi'ik'u'x ri rubin kan ri ajaw Jesús chi más nikikot ránima ri wineq ri nisipan ke chuwech ri nik'ulun jun sipanik, xcha'.

Wuj Richin ri Isaías 58:10

Kan ke'iwilij ri maneq kiway, y ke'ito' ri e poqonatajineq. Wi xtiben ronojel re', kan xtel k'a utz itzijol, achi'el ri saqil ri napon pa q'equ'm, y ri q'equ'm ri' kan xtuben achi'el ri pa nik'aj-q'ij.

Wuj Richin ri Isaías 58:7

Chuqa' kan tiya' ri iway chike ri maneq kiway, y kan tik'ulu' pan iwachoch ri maneq rachoch roma man iwinaq ta. Ri maneq kitziaq, kan tiya' kitziaq, y man tiya' kan richin ye'ito' ri iwach'alal.

Wuj Richin ri Molojri'il 11:6

Kan pa ruq'ijul yan k'a tabana-qa ri atiko'n, y chuqa' kan tabana' toq eleneq chik ri nabey tikoj. Kan man kakos chubanik ri asamaj; rat kan man awetaman ta k'a achike ri utz nel chawech, wi ja ri xatik-qa pa nabey ó ja ri xatik-qa pa ruka'n, ó xa chi ka'i' utz nel chawech.

Wuj Richin Bix Chire ri Dios 92:10

Jak'a yin kan xtaya' más wuchuq'a', achi'el ri ruchuq'a' ri juyubel bóyix. Xtaqasaj k'a aceite pa nuwi', retal richin kikoten.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

San Juan 13:29

Ek'o xech'obo chi xtaq-el roma ri Jesús chuloq'ik ronojel ri nik'atzin chike chupan ri nimaq'ij ri'. Y ek'o chik ch'aqa' xech'obo chi xtaq-el richin k'o tiberuyala' kan chike ri winaqi' ri man jun k'o kik'in, roma rije' kan ketaman-wi chi ja ri Judas ri yakol méro.

San Lucas 16:9

Yin ninbij k'a chiwe chi tikusaj ri beyomel richin re ruwach'ulew richin ye'ito' ri iwachibil. Richin keri' toq ri ibeyomel xtik'is, xkixk'ul k'a chila' chikaj chupan ri jay ri man jun bey xkek'is.

San Lucas 12:33

Tik'ayila' k'a ri k'o iwik'in y tiyala' chike ri winaqi' ri man jun k'o kik'in. Wi keri' niben, xtik'oje' jun iyakonabal chila' chikaj ri man jun bey xtiq'ey, y xtik'oje' chuqa' ibeyomel ri man jun bey xtik'is. Chila' chikaj man jun eleq'om, ni man jun chuqa' jut ri nichikopirisan.

Marcos 14:7

Roma ri winaqi' ri man jun k'o kik'in xa kan jantape' k'a ek'o chi'ikojol, y xabachike q'ij niwajo' ye'ito', kan tibana' k'a utzil chike. Jak'a yin man jantape' ta xkik'oje' iwik'in.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin Bix Chire ri Dios 112:3

Kan xtik'oje' k'a janila chi beyomel rik'in. Ri ruchojmilal jari' ri xtuben jantape'.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

1 Sam 2:1

Ri Ana kere' xubij: Jehová, wajaw yin, janila nikikot ri wánima, roma rat Jehová, xaya' janila wuchuq'a' richin yitikir ninsol-wi' chikiwech ri etzelanel wichin, y roma ri' yin yalan yikikot rik'in ri akolotajik.

Deut 24:13

K'o chi nitzolij-el chire toq niqaqa yan qa ri q'ij, richin keri' k'o nuq'uj-qa toq niwer-qa. Keri' rija' xtroyoj urtisanik pan iwi' y kan xtiben jun utzilej banobel chuwech ri Jehová ri qa-Dios.

Deut 15:11

Chupan ri ruwach'ulew kan jantape' xkek'oje' ri winaqi' ri man jun k'o kik'in, y roma ri' yin ninbij chiwe richin kan ta xtijoyowaj kiwech y xke'ito' ri iwinaq ri k'o nik'atzin chike.

Hechos 4:35

Nikik'uaj-apo chike ri e taqon roma ri Cristo, y ri méro ri' nitalux k'a chikiwech ri k'o nik'atzin chike.

San Lucas 18:22

Toq ri Jesús xrak'axaj re', xubij: K'a k'o jun ri man abanon ta. Tabek'ayij k'a kan ronojel ri k'o awik'in y ri rajel tataluj chikiwech ri winaqi' ri man jun k'o kik'in, richin keri' nik'oje' abeyomel chila' chikaj. K'ari' katanpe richin kinatzeqelibej, xcha' chire.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

San Mateo 6:4

Richin keri' ri niya', kan pan ewel k'a. Jak'a ri aj-chikajil qatata' ri kan xutz'et ri xiya' pan ewel, kan xtuya' k'a rajel ruk'exel chiwe chikiwech ri winaqi'.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

Deut 15:14

Man tiben k'ek'el rik'in, xa kan xtiya-el rukarne'l, ru-trigo y ru-vino richin keri' xtich'er chiwech ri rusipan ri Jehová ri qa-Dios chiwe.

Wuj Richin Bix Chire ri Dios 92:11

Yin kan xintz'et k'a ri xkik'uluwachij ri e etzelanel wichin. Kan xinwak'axaj k'a toq yesik'in ri e yakatajineq chuwij.

Wuj Richin Bix Chire ri Dios 111:3

Chijun ri rusamaj kan janila ruq'ij-ruk'ojlen. Y ri ruchojmilal ri nuben kan richin q'asen.

Wuj Richin Etamabel-Tzij 14:24

Ronojel ri nikil ri winaqi' aj-na'oj, kan ja wi ri kina'oj niya'on chike; jak'a ri nikil ri maneq kina'oj, kan roma ri maneq kina'oj roma ri' jari' ri nikik'ul.

Wuj Richin Etamabel-Tzij 21:26

Ek'o winaqi' ri kan niq'ax ri q'ij pa kiwi' y ronojel yekirayila' chi k'o ta pe kik'in, jak'a ri wineq ri choj ruk'aslen, roma kan k'o ri nukusaj, kan rik'in kikoten nuya'.

Wuj Richin ri Molojri'il 3:6

Napon k'a ruq'ijul richin nakanoj y nawil, y chuqa' napon k'a ruq'ijul richin nakanoj y man nawil ta. Napon k'a ruq'ijul richin nayek, y chuqa' napon ruq'ijul richin nawelesaj-el.