Wuj Richin Bix Chire ri Dios 112:4 - Kaqchiquel Bible

⁴ Nisaqirisan k'a pe jun q'aq' pa q'equ'm chikiwech ri winaqi' choj kik'aslen, chikiwech ri kan e joyowanel, e koch'onel y kan choj ri kik'aslen.

Wuj Richin Bix Chire ri Dios 112:4 ပူးပေါင်းရင်းမြစ်များ

Wuj Richin ri Achin Job 11:17

Ri ak'aslen kan más q'alaj ri xtuben, xa kan achi'el ri saqil ri pa nik'aj-q'ij. Y stape' niq'equmatej-pe chupan ri ak'aslen, rat kan xtana' chi achi'el xa niseqer-pe chawech.

Wuj Richin ri Isaías 58:10

Kan ke'iwilij ri maneq kiway, y ke'ito' ri e poqonatajineq. Wi xtiben ronojel re', kan xtel k'a utz itzijol, achi'el ri saqil ri napon pa q'equ'm, y ri q'equ'm ri' kan xtuben achi'el ri pa nik'aj-q'ij.

Wuj Richin Bix Chire ri Dios 97:11

Ri saqil kan yerusaqirisaj k'a ri choj kik'aslen. Y nuya' kikoten chike ri kan choj kánima.

1 Juan 3:7

Rix walk'ual, man k'a kixq'olotej. Wi nik'uaj jun k'aslen choj, kan ixchoj chuqa' achi'el ri Jesucristo, kan choj wi.

San Lucas 6:36

Tijoyowaj kiwech ri winaqi', kan achi'el ri nujoyowaj qawech roj ri qatata' Dios.

1 Juan 2:29

Rix iwetaman chi ri Jesucristo kan choj wi, roma ri' k'atzinel niwetamaj chi xabachike wineq ri ruk'uan jun k'aslen choj, kan ralk'ual chik ri Dios.

Efesios 4:32

Xa kan xaxe ri utz tibanala' chiwachibil-iwi'. Kixajowan y kixkuyun, kan achi'el xuben ri Dios chi xukuy qamak roj roma ri Cristo.

Wuj Richin Bix Chire ri Dios 106:1

Kan tinimirisaj ruq'ij ri Jehová. Tiya' ruq'ij ri Jehová, roma rija' kan janila jebel, roma ri rajowabal kan richin q'asen.

Efesios 5:9

Ri saqil ri' kan nuben-wi k'a chiwe chi niben utzil, chi niben ri choj y richin chi kan xaxe ri qitzij titzeqelibej.

San Juan 12:46

Roma yin ri saqil, xipe chuwech re ruwach'ulew richin chi achike k'a ri xtukuquba' ruk'u'x wik'in, man xtik'oje' ta kan chupan jun q'equ'm k'aslen.

Wuj Richin Bix Chire ri Dios 37:6

Xtuq'alajirisaj k'a ri ruchojmilal ri ak'aslen, achi'el ri saqil richin ri q'ij, nusaqirisaj ri q'equ'm.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

Efesios 5:15

Tichajij k'a ri ik'aslen. Man k'a tiben achi'el nikiben ri winaqi' ri xa e nakaneq rik'in ri kich'obonik. Jak'a kan tikusaj ri etamabel ri k'o iwik'in.

Wuj Richin ri Isaías 50:10

Man jun chiwe rix ri janila nuk'en rukiy ri Jehová y kan nrak'axaj ruch'abel ri rusamajel. Jak'a rix yixbiyin pa q'equ'm, y kan man jun seq nitz'et chupan. Pa ruk'exel re', kan tikuquba' ik'u'x rik'in y tito-iwi' rik'in ri qa-Dios.

Wuj Richin ri Achin Job 22:28

Ronojel k'a ri xtach'ob chi naben, kan utz xtel chawech; roma ri aj-chikajil saqil, kan xtusaqirisaj ri abey.

Wuj Richin ri Achin Job 29:3

Rik'in ri rusaqil rija' ri k'o pa nuwi', yin kan xitikir k'a xiq'ax chupan ri ruq'equmal ri k'aslen re wawe'.

Wuj Richin Bix Chire ri Dios 116:5

Ri Jehová kan koch'onel y kan choj ri nuben. kan joyowanel-wi k'a ri qa-Dios roj.

Wuj Richin Bix Chire ri Dios 145:17

Rat Jehová kan choj k'a naben rik'in ronojel. Kan janila k'a awutzil pa ruwi' ronojel ri abanon.

Wuj Richin Etamabel-Tzij 21:21

Ri wineq ri kan nucha' ruk'u'x chi kan choj y jebel runa'oj nuben kik'in ri ch'aqa' chik winaqi', kan k'o urtisanik ri xtril, roma ri' xtiyaloj xtik'ase', ri winaqi' choj xtikiben rik'in y xtikiya' ruq'ij.

Wuj Richin ri Isaías 58:8

Keri' ri ik'aslen kan xtiyik'lun k'a achi'el toq nel-pe ri q'ij. Y ri iq'axomal kan chi'anin xtaq'omatej. Ri ruchojmilal kan xtok uk'uey iwichin y yin Jehová kan xkik'oje' chi'ikojol richin yixinchajij.