Wuj Richin Bix Chire ri Dios 112:3 - Kaqchiquel Bible

³ Kan xtik'oje' k'a janila chi beyomel rik'in. Ri ruchojmilal jari' ri xtuben jantape'.

Wuj Richin Bix Chire ri Dios 112:3 ပူးပေါင်းရင်းမြစ်များ

Wuj Richin Etamabel-Tzij 15:6

Pa rachoch jun wineq ri kan choj ruk'aslen, ronojel pa ruk'iyal k'o; jak'a ri nikich'ek ri winaqi' ri e itzel, xa ruk'ayewal ri nuk'en-pe chike.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin ri Isaías 33:6

Y kan jantape' xtuya' oyobenri'il kik'in ri aj chiri'. Rija' xtuk'en-pe ri kolotajik, ri na'oj y ri etamabel, kan achi'el jun nimalej beyomel. Y richin xtik'ul re jun beyomel re', kan k'o chi xtik'oje' rukiy ri Jehová chiwech.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

2 Corintios 6:10

Kan achi'el yojbison yojtzu'un, jak'a xa kan yojkikot. Stape' ojk'o pa meba'il, jak'a kan ek'o ri xebeyomer qoma roj. Y stape' chuqa' kan man jun ok k'o qik'in, xa kan yojtikir niqabij chi kan ronojel k'o qik'in.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Wuj Richin Bix Chire ri Dios 111:3

Chijun ri rusamaj kan janila ruq'ij-ruk'ojlen. Y ri ruchojmilal ri nuben kan richin q'asen.

Wuj Richin ri Isaías 51:8

Roma rije' xa kan xkek'is, achi'el toq niqupuqu-qa ri tzieq; chuqa' achi'el toq ri chikopi' nikijuk' ri lana. Jak'a ri ruchojmilal ri ninya' yin kan xtik'oje' richin q'asen. Y ri nukolotajik kan xtik'oje' pan iwi' rix, y pa kiwi' ri chi wiq chi sol, ncha' ri Dios.

Wuj Richin ri Isaías 32:17

Ri ruchojmilal kan xtuya' uxlanen, kuqubabel-k'u'x y oyobenri'il richin jantape'.

Wuj Richin ri Achin Job 5:24

Kan k'o k'a uxlanen awik'in chupan ri awachoch ri banon rik'in tzieq, y toq xtanik'oj achike kibanon ri awawej, xa konojel e tz'aqet.

Wuj Richin Bix Chire ri Dios 34:10

Ri alaji' taq koj kan k'o ri nik'atzin chike, y kan yenum. Jak'a ri nikikanoj ri Jehová, kan man jun achike ta xtikajo'.

Wuj Richin Bix Chire ri Dios 34:11

Kixanpe, alk'ualaxela', kiniwak'axaj. Xkixintijoj richin nik'oje' rukiy ri Dios chiwech.

Wuj Richin Etamabel-Tzij 21:20

Pa rachoch ri wineq aj-na'oj, kan chajin y utz k'a rukusaxik niban chire ri beyomel y ri aceite olivo; jak'a ri wineq ri xa maneq runa'oj, kan man nuyek ta kan juba', xa ronojel nuk'is-qa.