Wuj Richin Bix Chire ri Dios 112:1 - Kaqchiquel Bible

¹ Tinimirisex ruq'ij ri Jehová. Jebel ruwa-ruq'ij ri wineq ri k'o rukiy ri Jehová chuwech, ri kan rik'in ri rupixa' rija' nikikot-wi jantape'.

Wuj Richin Bix Chire ri Dios 112:1 ပူးပေါင်းရင်းမြစ်များ

Wuj Richin Bix Chire ri Dios 128:1

Jebel ruwa-aq'ij rat ri k'o rukiy ri Jehová chawech, ri kan ja ri bey ri niqa' chuwech rija' ri atzeqeliben.

Wuj Richin ri Isaías 50:10

Man jun chiwe rix ri janila nuk'en rukiy ri Jehová y kan nrak'axaj ruch'abel ri rusamajel. Jak'a rix yixbiyin pa q'equ'm, y kan man jun seq nitz'et chupan. Pa ruk'exel re', kan tikuquba' ik'u'x rik'in y tito-iwi' rik'in ri qa-Dios.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin Bix Chire ri Dios 119:35

Kinayuqej chupan ri bey richin ri ruchojmilal, roma kan rik'in ri' k'o-wi ri nukikoten.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Romanos 7:22

Ri wánima kan yalan-wi nikikot rik'in ri rupixa' ri Dios.

Wuj Richin Bix Chire ri Dios 119:97

Yin kan janila ninwajo' ri apixa', kan jari' ri ninquqa' rij chijun q'ij.

Wuj Richin Bix Chire ri Dios 150:1

Tinimirisex ruq'ij ri Dios. Tinimirisex ruq'ij rija' chupan ri rachoch. Tinimirisex ruq'ij ri chila' chikaj.

Wuj Richin Bix Chire ri Dios 147:1

Tinimirisaj ruq'ij ri Jehová, roma kan utz wi chi niya'ox ri bix chire ri qa-Dios. Kan jebel y kan ki' toq niya'ox ruq'ij rija'.

Wuj Richin Bix Chire ri Dios 119:143

Yin kan k'o k'a tijoj-poqonal y q'axo'n pa nuk'aslen, jak'a ri apixa' kan nukuquba' nuk'u'x y yikikot.

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Romanos 8:6

Ri e uk'uan roma ri itzel taq rayibel, xa kamik k'a ri nuk'en-pe chike. Jak'a wi oj uk'uan roma ri Loq'olej Espíritu, k'aslen y uxlanen ri nuk'en-pe chiqe.

Wuj Richin Bix Chire ri Dios 119:16

Kan xkikikot k'a rik'in ri apixa'; y man jun bey xtinmestaj.

Wuj Richin Bix Chire ri Dios 119:14

Janila yikikot roma ninnimaj ri apixa', roma k'o más rejqalen chuwech jun beyomel.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Deut 28:3

Ri Jehová xtuben chi ronojel ri niben pa tinamit kan k'o urtisanik pa ruwi', keri' chuqa' pa ruwi' ronojel ri xtiben pa juyu'.

1 Rey 18:3

Y ri chiri' pa Samaria k'o k'a jun achin aj-raqen pa kiwi' konojel ri yesamej pa rachoch ri rey, y ri achin ri' rubini'an Abdías, y rija' kan nuya' k'a ruq'ij ri Jehová. Rokik ri Jezabel ruchapon kikamisaxik konojel q'alajirisey ruch'abel ri Jehová, ri Abdías xerumol k'a e wok'al chike rije', y xerewaj kan pa ka'i' jul, kawineq lajuj pa jujun tzobaj ri xuben chike, y xerutzuq k'a konojel. Y ri rey Acab xroyoj k'a ri Abdías,

Wuj Richin ri Molojri'il 8:12

Ri aj-mak kan pa wok'al k'a ch'a'oj ri yerubanala' y kan k'a nik'ase' na chubanik más. Man rik'in ri' yin kan yitikir ninbij chi ri k'o rukiy ri Dios chikiwech, kan kikoten xkek'ase-el, y xa kan k'o yan ri nikik'ul-el re wawe' roma kan k'o rukiy ri Dios chikiwech.