Wuj Richin Bix Chire ri Dios 110:7 - Kaqchiquel Bible

⁷ Y rat xtaqum k'a el aya' chiri' chuchi' ri bey, richin xtik'oje-el más awuchuq'a'. Roma ronojel re', rat xkatikir xkach'akon.

Wuj Richin Bix Chire ri Dios 110:7 ပူးပေါင်းရင်းမြစ်များ

Wuj Richin Bix Chire ri Dios 27:6

Keri', kan xkitikir xkench'ek ri e etzelanel wichin. Kan xtinsuj k'a sipanik chire rik'in raqoj-chi'ij y kikoten. Xkibixan y kan ja ri rubi' ri Jehová ri xtinbixaj.

San Mateo 26:42

Ri Jesús xbe chik apo richin xbech'on chik ruka'n bey rik'in ri Dios y xubij: Nata' yin, wi kan k'o chi nink'owisaj ri tijoj-poqonal ri', kan tibanatej k'a ri arayibel rat.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

San Juan 18:11

Jak'a ri Jesús xubij chire ri Pedro: Tayaka-qa la espada. ¿Rat kan nach'ob chi rik'in la xaben, yin kan yikolotej chuwech ri tijoj-poqonal ri rubin-pe ri nata' chi kan k'o chi nink'owisaj?, xcha'.

San Lucas 24:26

¿Man kibin ta kami kan rije' chi ri Cristo kan k'o-wi chi nuk'owisaj tijoj-poqonal, y k'ari' nibe chila' chikaj richin nibek'oje' ruq'ij-ruk'ojlen?, xcha' chike.

San Mateo 20:22

Jari' k'a toq ri Jesús xubij chike ri ka'i' alk'ualaxela' ri': Rix man iwetaman ta k'a ri nik'utuj. Roma ¿nikoch' kami chuqa' jun tijoj-poqonal achi'el ri xtiqaqa pa nuwi' yin?, xcha'. Y rije' xkibij chi ja', yetikir nikikoch'.

Wuj Richin ri Jeremías 52:31

Chupan k'a ri q'ij juwineq wo'o' chire ri ik' kablajuj chire ri juna' juwineq wuqlajuj toq k'o pa ximonri'il ri Joaquín, rey richin Judá, jari' toq xuchop nuq'et-tzij ri rey Evil-merodac pa ruwi' ri Babilonia. Y rija' kan janila jebel runa'oj xuben rik'in ri Joaquín y xrelesaj-el pa cárcel.

Wuj Richin ri Jeremías 23:15

Roma ri' yin Jehová ri k'o ronojel uchuq'a' pa nuq'a' kere' ninbij chiwe rix ri nibananej chi ix q'alajirisey nuch'abel: Xtinben chiwe chi xtitej xaqixaq. Chuqa' kan xtinya' k'a ya' chiwe ri yixrukamisaj. Iwoma rix qajineq ri etzelal pa ruwi' chijun ri ruwach'ulew.

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Wuj Richin ri Achin Job 21:20

Ri aj-mak kan tutz'eta' na ri ruk'ayewal ri xtipe pa ruwi', kan tuqumu' na ri royowal ri Dios ri k'o ronojel uchuq'a' pa ruq'a'.

Wuj Richin Bix Chire ri Dios 102:9

Ronojel ri nintej, xa nuxol-ri' rik'in chaj. Y ronojel ri ninqum, xa kan nuxol k'a ri' rik'in ri ruya'al runaq'-nuwech.

Wuj Kichin ri To'onela' 15:19

Jari' toq ri Dios xujeq k'a jun raqen-jul ri k'o chiri' pa Lehi, y chiri' xbebulbu'x-pe ya'; y ri Sansón xuk'ya' k'a, y xuben chire chi xk'oje' chik ruchuq'a'. Y ri ralaxbel-ya' ri' xubini'aj kan En-hacoré,*f7* y keri' rubini'an k'a re wakami.