Wuj Richin Bix Chire ri Dios 110:2 - Kaqchiquel Bible

² Ri Jehová xtunimirisaj ri awajawaren ri chiri' pa Sión. Kan kak'oje' k'a pa kiwi' ri e etzelanel awichin.

Wuj Richin Bix Chire ri Dios 110:2 ပူးပေါင်းရင်းမြစ်များ

Wuj Richin Bix Chire ri Dios 72:8

Ri rajawaren xtitikir k'a el chuchi' ri palou y napon k'a ri juk'an chik ruchi', xtitiker-el chuchi' ri raqen-ya' Éufrates y xtapon k'a chuchi' chijun ri ruwach'ulew.

Ex 7:19

Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Ex 8:5

Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Jeremías 48:17

Chuqa' xtinbij chike ri tinamit ri ek'o-pe chi'inaqaj richin rije' xkebison chiwij, roma rije' ketaman ri jebelej itzijol rix. Rije' xke'oq' y xtikibij: ¡Titz'eta', kan xk'is k'a ri kiq'atbal-tzij rije', stape' janila kuchuq'a', xkecha'.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 47:1

Ri achin ri xuk'ut ri rachoch ri Dios chinuwech xuben chuwe richin xitzolin chik ri pan okibel ri k'o chunaqaj ri rachoch ri Dios. Jari' toq xintz'et chi ri chuxe-qa ri ruchi-jay nibulbu'x-pe ya' ri nel-pe re kere' pa relebel-q'ij. Ri ya' niqaqa-pe pa rijkiq'a' ri rachoch ri Dios y pa xokon chire ri porobel.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Wuj Richin ri Miqueas 7:14

Jehová, tabana' utzil ke'ayuq'uj ri awinaq rik'in ri awutzil. Tayuq'uj re tzobaj karne'l re' re kan e awichin rat. Roma xa kiyon-ok ek'o pa k'echelaj ri e sutin-rij rik'in qasanbel taq ulew. Tabana' utzil ke'ayuqej chik ri awinaq, achi'el xaben ri ojer kan, toq xe'ayuq'uj chupan ri soq'olbel richin ri Basán y ri Galaad.

Romanos 1:16

Yin kan man yik'ix ta chire ri utzilej ch'abel richin kolotajik, roma re' kan uchuq'a' richin ri Dios richin nukol xabachike ri nukuquba-ruk'u'x rik'in. Ri ch'abel ri' nabey xtzijox chiqe roj judío; k'ari' xtzijox chuqa' chike ri man e qawinaq ta.

1 Tesalonicenses 2:13

Roj jantape' niqamatioxij chire ri Dios, roma toq xqatzijoj ri ruch'abel ri Dios chiwe, kan xik'ul-wi. Y man xibij ta qa chi ruch'abel wineq, xa kan xibij chi kan ruch'abel-wi ri Dios. Y wakami k'a, ja ch'abel ri' ri nisamej pan iwánima rix ri ikuquban chik ik'u'x rik'in ri Jesucristo.

1 Pedro 1:12

Y kan xq'alajirisex chike ri achi'a' ri' chi ri kolotajik ri xkitzijoj xa man kichin ta rije', xa kan qichin roj ri oj k'o chupan re q'ij re'. Y re wakami ri utzilej ch'abel ri' ri richin kolotajik, xtzijox k'a chiwe rix koma achi'a' ri eto'on roma ri Loq'olej Espíritu ri taqon-pe chila' chikaj. Y chuqa' ri ángel janila nikajo' chi niketamaj chirij ri xtzijox chiwe rix.