Wuj Richin Bix Chire ri Dios 11:6 - Kaqchiquel Bible

⁶ Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Wuj Richin Bix Chire ri Dios 11:6 ပူးပေါင်းရင်းမြစ်များ

Wuj Richin ri Rutikeribel 19:24

k'ari' ri Jehová xuya-pe ri q'aq' rik'in chuwilej-abej y kan achi'el k'a job ri xuben pa kiwi' ri Sodoma y ri Gomorra.

Wuj Richin ri Rutikeribel 43:34

Y ri José xujech k'a ri kiq'utun ri rach'alal y kan ja ri nutej rija' jari' ri xuya' chike; jak'a ri Benjamín xuya' wo'o' mul más k'iy ke chuwech ri xuya' chike ri ch'aqa' chik. Rija' y ri e rach'alal junan k'a xkiqum vino y janila xekikot chupan ri q'ij ri'.

Wuj Richin ri Achin Job 18:10

Ri pikbel kan jebel muqun kan rij, y k'o kan chiri' pa bey ri akuchi niq'ax-wi.

Wuj Richin ri Achin Job 18:15

Ri rachoch ri wineq ri' kan xtiya'ox k'a ruq'aq'al, y xtijopix ri chuwilej-abej pa ruwi' richin nich'ajch'ojirisex.

Wuj Richin ri Achin Job 20:23

Y toq kan ruchapon k'a rumolik ri rubeyomel, jari' toq ri Dios xtuya-pe ruk'ayewal pa ruwi', roma q'aq'arneq roma royowal. Y ri ruk'ayewal ri', man xaxe ta xtumej rija', xa kan xtumej chuqa' ri ruway-ruk'ya'.

Wuj Richin Bix Chire ri Dios 105:32

Pa ruk'exel job, xuya' k'a pe saqboch pa kiwi'. Ruxaq q'aq' xuteq-pe pa ruwi' ri ruwach'ulew ri'.

Wuj Richin Bix Chire ri Dios 16:5

Yin kan ja ri Jehová ri xinwichinaj kan, pa ruq'a' k'a rija' k'o-wi ri nuk'aslen.

Wuj Richin Bix Chire ri Dios 18:13

Ri nimalej Jehová xch'on k'a pe chupan ri sutz' ri'. kan janila kow xch'on achi'el niq'ajan ri koqolajay.

Wuj Richin Bix Chire ri Dios 32:10

Ri e banoy etzelal kan janila q'axo'n k'o kik'in, jak'a ri kikuquban kik'u'x rik'in ri Jehová e nojineq rik'in ri rujoyowanik rija'.

Wuj Richin Bix Chire ri Dios 75:8

Ri ruchojmilal ri' achi'el jun qumbel nojineq chi vino ri janila ruchuq'a'. Re ruchojmilal re' kan xtutix k'a pe rija', y ri winaqi' ri maneq Dios chikiwech, kan xtikiqum k'a ronojel, y man jun chik k'a tz'uj xtik'oje' kan.

Wuj Richin ri Isaías 51:17

Kixyakatej, kixyakatej rix aj-Jerusalem, ri itijon poqon roma royowal ri Jehová. Rix janila ruk'ayewal ik'owisan, ri kan man yixtikir ta yixpa'e', achi'el nuben jun wineq ri janila k'iy vino ruqumun.

Wuj Richin ri Isaías 51:22

Jak'a re wakami ri Jehová ri qa-Dios xkixruto'. Rija' nuteq-pe rutzijol chi wakami kan xtrelesaj k'a pan iwi' ri royowal, achi'el nelesex ri qumbel pa ruq'a' jun q'abarel. Y kan man jun bey chik xtitej poqon roma ri royowal rija'.

Wuj Richin ri Jeremías 13:25

Kere' k'a xtik'uluwachij rix. Jare' k'a ri k'atzinel richin niban iwik'in rix. Yin Jehová ri yibin. Roma kan xinimestaj kan y xikuquba' ik'u'x kik'in wachibel ri xa man e qitzij ta.

Ez 13:13

Rik'in janila woyowal xtinben chi xtipe jun nimalej surkum, jun nimalej kaq'iq'-job y nima'q taq saqboch, richin keri' xtik'is ronojel.

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Wuj Richin ri Habacuc 2:16

Y re wakami pa ruk'exel chi xtiya'ox ta aq'ij, xa kan xtiqasex aq'ij. Xtaqum k'a k'iy vino richin chi ri xke'aben xtuk'en-pe k'ixbilal. Wakami, pan awi' rat xtiqaqa-wi royowal ri Jehová. Y re' kan xtuben chawe chi xkabiyin achi'el jun q'abarel, y kan xkak'ixbitej.

San Lucas 17:29

Jak'a ri q'ij toq ri Lot xel-pe pa tinamit Sodoma, xqaqa k'a kan q'aq' y ri chuwilej-abej pa ruwi' ri tinamit. Kan achi'el k'a job xuben toq xqaqa-pe ri chikaj, y kan konojel winaqi' ri ek'o chiri' xeruk'is q'aq'.

San Juan 18:11

Jak'a ri Jesús xubij chire ri Pedro: Tayaka-qa la espada. ¿Rat kan nach'ob chi rik'in la xaben, yin kan yikolotej chuwech ri tijoj-poqonal ri rubin-pe ri nata' chi kan k'o chi nink'owisaj?, xcha'.

1 Sam 1:4

Y toq napon yan k'a ri q'ij chi ri Elcaná nusuj ri sipanik ri', jari' toq nuya' jutaqba' ti'ij richin ri sipanik chire ri Peniná y chike chuqa' ri e ralk'ual.

1 Sam 9:23

Y ri Samuel xubij chire ri nibanon ri q'utun: Tak'ama-pe wawe' ri juba' chire ronojel ri q'utun ri xinya' chawe yin, ri xinbij chawe chi tach'ara' kan, xcha'.